Genoveva (izena)

**Genoveva**
Datuak
Sexua	Emakumezkoa
Jatorria	Germaniarra
Antzeko izenak	Guinevere, Geneva, Genevieve, Ginevra, Jennifer

Genoveva emakumezko pertsona izena da, zeinak zenbait aldaera izan dituen euskaraz. Euskaltzaindiak aipatzen ditu, gaitzetsi gabe: Jenobeba, Jenofa^[1], Genobeba, Genofa^[2]. Baina santutegi izen ohikoenen arauetan, Santa Genoveva santuarentzat zein pertsonaia historikoentzat, Euskaltzaindiak V-dun forma hobesten du, Genoveva^[3].

Etimologia[aldatu | aldatu iturburu kodea]

Izenaren hedapena kristautasunari sor zaio, Genoveva Pariskoa santu ezaguna baita Mendebaldeko Europan, bereziki Frantzian. Frantsesezko forma Geneviève da eta gaztelerazkoa Genoveva.

Latinez Genovefa zen, eta izen horren jatorri etimologikoaz bi teoria daude, bata galiarren hizkuntza zeltikoan oinarritzen da eta 19. mendeko Abbé Saint-Yves delako batek idatzitako hagiografian agertzen da^[4]: genoeth litzateke izen zeltikoa, non genata galoa edo genou bretoierazkoa geneukakeen,'ahoa', eta eff litzatekeen 'zerua', hortaz, 'genoueff'' litzateke "zerua ahotik", zentzu askorik ez duen konposaketa bat.

Hizkuntzalariek izen germaniko franko baten alde jotzen dute gehiago: Kenowīfa edo Kenuwefa izango litzateke forma hori, non Ken- elementua ageri den 'leinu, arraza' (kin egungo ingelesez) eta wif edo 'emakumea, enaztekia' (wife egungo ingelesez, Weib alemanez)^[5].