Jentilen dorrea

Jentilen dorrea
Kultura ondasuna
Hernaniko hiri historikoa
Irudi gehiago
Kokapena
Herrialdea	Euskal Herria
Probintzia	Gipuzkoa
Udalerria	Hernani
Koordenatuak	43°15′59″N 1°58′27″W
Historia eta erabilera
Eraikuntza	XVI. mendea
Arkitektura
Estiloa	arkitektura gotikoa pizkundetar arkitektura
Ondarea
BIC	RI-51-0001514
22

Jentilen Dorrea edo Portalondo Etxea, Hernanin dagoen eraikin gotiko errenazentista da. Oinplano angeluzuzena eta hiru isurkiko estalkia ditu. Mehelina du eskuineko aldean eta eranskin bat atzeko horman. Gainerako bi paretak libre daude. Kardaberaz kaleak eta Perkaiztegi kaleak bat egiten duten lekuan dago, eta Erdi Aroko etxalde baten parte da.

Dorretxearen goiko zatia XV. mendearen bigarren erdialdean suntsitu zuten. Ustez udalerriko harresiaren ateetako baten alboan zegoen eta harresi horren parte zen.

Kanpoaldea harlanduz egina da. Lehenengo solairuan zatitutako lau leiho ditu, maineldunak eta arku zorrozdunak.

Perkaiztegi kalera jotzen duen horman, berriz, hiruki formako hiru solairuko eranskin bat dago.

Beherengo solairua erabat aldatuta dago eta ez du garai bateko edertasunik, bertako saltokiek leihoak ireki baitituzte antzinako egitura kontuan hartu gabe. Goiko solairuko baoak ere gerora zabaldu zituzten.

Iruditegia

• 
  Leiho baten xehetasuna.
• 
  Kardaberaz kaleak eta Perkaiztegi kaleen kantoian.

Ikus, gainera

• Gipuzkoako kultura ondasunak

Kanpo estekak

• Datuak: Q40025556
• Multimedia: Gentiles dorretxea / Q40025556