Kanaklata Barua

Kanaklata Barua
	; Irudi gehiago
Bizitza
Jaiotza	Gohpur (en) , 1924ko abenduaren 22a
Herrialdea	Britainiar Raj
Heriotza	India, 1942ko irailaren 20a (17 urte)
Jarduerak
Jarduerak	aktibista eta askatasun borrokalaria

Kanaklata Barua (assameraz: কনকলতা বৰুৱা), Birbala edo Shaheed ezizenez ere ezaguna, (Borangabari, 1924ko abenduaren 22a – ibidem, 1942ko irailaren 20a) Indiako independentziaren aldeko aktibista eta India Osoko Ikasleen Federazioko liderra izan zen^[1]. 1942an Britainiar Rajeko poliziak tiroz hil zuen, bandera nazionala zeraman kalejira gidatzen ari zela^[2].

Bizitza

Krishna Kanta eta Karneshwari Baruaren alaba, Kanaklata Barua 1924ko abenduaren 22an jaio zen Borangabari herrixkan. Bost urte zituela, ama hil zitzaion eta aita berriro ezkondu zen, eta hamahiru urte zituela, hura ere hil zen. Hirugarren mailan ikasketak utzi zituen neba-ahizpa txikiak zaintzeko^[3].

Quit India mugimenduan, Barua Mrityu Bahini heriotza-eskuadroan sartu zen. 1942ko irailaren 20an, bandera nazionala polizia-etxean jarriko zutela erabaki zuten. Baruak armarik gabeko kalejira gidatu zuen. Rebati Mahan Som poliziak ohartarazi zien ondorio larriak izango zituztela euren planarekin aurrera egiten bazuten. Abisuaren ostean ere, kalejirak aurrera jarraitu zuen, eta polizia tiroka hasi zen. Barua hil ondoren, Mukunda Kakotik bandera hartu zuen, baina laster hari ere tiro egin zioten. Baruak 17 urte zituen hil zenean^[4].

Omenaldiak

2010ean, Kanaklata Baruaren monumentua inauguratu zuten Gauripurren^[5].

2016an, Chandra Mudoi zinema zuzendariak Baruari buruzko filma zuzendu zuen, Epaah Phulil Epaah Xoril^[6].

Erreferentziak

↑ (Ingelesez) «Swahid Divas Observed at Gohpur» Pratidin Time 2019-09-20 (kontsulta data: 2024-05-24).
↑ (Ingelesez) Pathak, Guptajit. (2008). Assamese Women in Indian Independence Movement: With a Special Emphasis on Kanaklata Barua. New Dehli: Mittal Publications, 52 or. ISBN 9788183242332. (kontsulta data: 2024-05-24).
↑ (Ingelesez) «Kanaklata Barua (1924-1942)» Stree Shakti (kontsulta data: 2024-05-24).
↑ (Ingelesez) Boro, Shambhu. «Due recognition for Kanaklata, Mukunda sought» The Assam Tribune 2012-03-14 jatorrizkotik artxibatua (artxibatze data: 2016-03-03) (kontsulta data: 2024-05-24).
↑ (Ingelesez) «Statue of Kanaklata Barua unveiled» The Assam Tribune 2010-09-15 (kontsulta data: 2024-05-24).
↑ (Ingelesez) Konwar, Rajiv. «Kanaklata story in Hindi» The Telegraph 2016-07-24 jatorrizkotik artxibatua (artxibatze data: 2016-07-26) (kontsulta data: 2024-05-24).

Kanpo estekak

Datuak: Q6360441
Multimedia: Kanaklata Barua / Q6360441

[1] (Ingelesez) «Swahid Divas Observed at Gohpur» Pratidin Time 2019-09-20 (kontsulta data: 2024-05-24).

[2] (Ingelesez) Pathak, Guptajit. (2008). Assamese Women in Indian Independence Movement: With a Special Emphasis on Kanaklata Barua. New Dehli: Mittal Publications, 52 or. ISBN 9788183242332. (kontsulta data: 2024-05-24).

[3] (Ingelesez) «Kanaklata Barua (1924-1942)» Stree Shakti (kontsulta data: 2024-05-24).

[4] (Ingelesez) Boro, Shambhu. «Due recognition for Kanaklata, Mukunda sought» The Assam Tribune 2012-03-14 jatorrizkotik artxibatua (artxibatze data: 2016-03-03) (kontsulta data: 2024-05-24).

[5] (Ingelesez) «Statue of Kanaklata Barua unveiled» The Assam Tribune 2010-09-15 (kontsulta data: 2024-05-24).

[6] (Ingelesez) Konwar, Rajiv. «Kanaklata story in Hindi» The Telegraph 2016-07-24 jatorrizkotik artxibatua (artxibatze data: 2016-07-26) (kontsulta data: 2024-05-24).

[1]

[2]

[3]

[4]

[5]

[6]