Linea kode

Telekomunikazioetan, linea kodea datu digitalak transmititzeko edo biltegiratzeko kode mota da, batez ere voltaje, korronte edo fotoizko patroiak erabiltzen dituena. Garraiatutako seinale digitala denborarekiko duen hedadurarekiko erlazioan datza.

Kodeketa teknikak konputagailu-sare arloan transmisioaren ezaugarriak hobetzeko igorlean eta hargailuan seinale digitalari arauak ezartzeari deritzo.

Sarrera

Seinale eta datu digitalak oinarri bandan gordinik igorri beharrean, seinaleari abantailaren bat eransten dion kodetze teknika bat erabiltzea komeni da. Esate baterako Manchester diferentzialak, seinaleari sinkronismoa eransten dio.

Zertarako arauak jarri seinaleari? Bada, hauek lortzeko:

Sinkronismoa ezartzeko: Bit bat beste bit-etik bereizteko. Erloju seinale aparte bat jar daiteke baina kostua handitzen eta abiadura moteltzen da. Beste aukera sinkronismoa seinale berean kode baten bitartez eranstea da.
Erroreak atzemateko
Zaratatik eta interferentzietatik babesteko

Kodetze teknika motak

Zerora itzuli gabe (NRZ: NOT RETURN TO ZERO)

Kodetzerik errazena da. “1” adierazteko seinalearen balio positibo bat (+5v) erabiltzen du, aldiz, “0” adierazteko balio negatibo bat (-5v).

Manchester

Seinalearen erdian trantsizioa dago. Honela, goitik beherako trantsizioak “1”-a jakinarazten du eta behetik gorako trantsizioak “0”-a. Trantsizioaren agerpen honek sinkronismorako laguntzen du. Zoritxarrez, Manchester kodetze teknikak desabantaila bat ere badu; kodetze bitar zuzenak behar duen baino bi aldiz banda-zabalera handiagoa behar izatea, pultsuek banda-zabaleraren erdia hartzen dute-eta. Ikusi bestela kodetze tekniken adibidea.

Manchester diferentziala

Aurrekoaren antzera seinalearen erdian trantsizioak agertzen dira, baina aldaera honetan hasieran ere ager daitezke, “0”-ren kasuan hain zuzen. laburbilduta, “0”-ak bi trantsizio ditu, bat hasieran eta bestea erdian, aldiz, “1”-ak trantsizioa bakarra, erdian hain zuzen. Manchester diferentzialak zarataren kontrako babes hobea eskaintzen du, kontra, makina konplexuagoa izatea behartzen du.

Linea kodeketa erabilienak

AMI
Eraldatutako AMI kodeak: B8ZS, B6ZS, B3ZS, HDB3
2B1Q
4B5B
4B3T
6b/8b kodeketa
Hamming kodea
8b/10b kodeketa
64b/66b kodeketa
128b/130b kodeketa
CMI
Desfase baldintzatua
EFM Compact Disc-ean erabilia
EFMPlus DVD-an erabilia
RZ
NRZ
NRZI
Manchester kodea (bere aldaerak ere Manchester diferentziala eta Biphase mark kodea)
Miller kodeketa (Delay kodeketa bezala ere ezagutua edo Aldatutako Frekuentzia Modulazioa, eta aldaera bat dauka Miller kodeketa aldatua deiturikoa)
MLT-3 kodeketa
SBC
TC-PAM

Ikus, gainera

Kanpo estekak

{eu} Telekomunikazio Hiztegia euskaraz

Datuak: Q1457387
Multimedia: Line codes / Q1457387