LXDE

LXDE
Jatorria
Sorrera-urtea	2006
Azken bertsioa	0.10.1
Ezaugarriak
Programazio-lengoaia	C
Irakur dezake	UNIX-moduko
GUI tresnak	GTK eta Qt
Egile-eskubideak	copyrightduna
Lizentzia	GNU General Public License, version 2.0 or later (en)
Deskribapena
Honen parte da	Lubuntu
Euskaraz
Euskaraz	bai
lxde.org
Iturri-kodea	https://github.com/lxde eta git://git.lxde.org/git/lxqt.git

LXDE (Lightweight X11 Desktop Environment) mahaigain ingurune arin bat da. Ordenagailu zaharretarako egokia da.

Historia

Proiektua Hong Jen Yee programatzaile taiwandarrak, PCMan bezala ezaguna, abiarazi zuen 2006an, PCManFM fitxategi kudeatzailea argitaratu zuenean.

Hong Jen Yee ez zegoen GTK+ 3rekin gustora eta 2013an QTrekin probak egiten hasi zen. Adierazi zuenez honek ez du esan nahi LXDEk GTK+ albo batera utziko duenik, "Gtk+ eta Qt bertsioak elkarrekin biziko dira".

2013ko uztailaren 3an Hong Jen Yeek QT erabiltzen zuen LXDEren bertsio oso bat iragarri zuen. Urte bereko uztailaren 21ean Razor-qt proiektuak (QT erabiltzen duen beste mahaigain ingurune arin bat) eta LXDEk bat egingo zutela iragarri zuten, LXQt izenarekin. LXQtren lehen bertsioa, 0.7.0, 2014ko maiatzaren 7an argitaratu zuten. 2014ko urriaren 13an Qt 5ekin erabat bateragarria den 0.8.0 bertsioa argitaratu zuten.

LXQtren 0.9 bertsioa 2015eko otsailean argitaratu zuten, barneko garbiketa eta hobekuntza handiak dakartza. QT 4rekin bateragarritasuna albo batera utzi zuten eta Qt 5 eta KDE Frameworks 5 beharrezkoak bihurtu ziren.

Software osagaiak

LXDEk GNOMEren zenbait aplikazioren forkak sortu ditu eta beste hainbat aplikazio berri garatu ditu. Beste hainbat mahaigain ingurunetan ez bezala, LXDEren osagaiek mendekotasun gutxi dituzte eta ez daude estuki integratuta, independenteki instalatu daitezke LXDE instalatu gabe.

Osagaia	Deskribapena	Iruzkinak
PCManFM	Fitxategi kudeatzailea eta mahaigain metafora hornitzailea
LXInput	Sagua eta teklatua konfiguratzeko tresna
LXLauncher	Aplikazio abiarazlea
LXPanel	Ataza barra
LXSession	X saio kudeatzailea
LXAppearance	GTK+ gai aldatzailea
GPicView	Irudi ikustailea
LXMusic	XMMS2n oinarritutako audio erreproduzitzailea
LXTerminal	Terminal emuladorea
LXTask	Ataza kudeatzailea
LXRandR	RandRren erabiltzaile interfaze grafikoa
LXDM	X bistaratze kudeatzailea
SDDM	X11 and Wayland, biak, onartzen dituen bistaratze kudeatzailea; LXQt-n lehenetsia da	Ez du LXDE proiektuak garatu
LXNM	Sareko konexioen kudeatzaile arina. Aririk gabeko konexioak onartzen ditu (Linux-en bakarrik)	Utzia
Leafpad	Testu editorea	Ez du LXDE proiektuak garatu
Openbox	Leiho kudeatzailea	Ez du LXDE proiektuak garatu
obconf	Openbox konfiguratzeko tresna grafikoa	Ez du LXDE proiektuak garatu
Xarchiver	Artxibo kudeatzailea	Ez du LXDE proiektuak garatu

Kanpo estekak

• (Ingelesez) LXDEren webgune ofiziala

• Datuak: Q47123
• Multimedia: LXDE / Q47123