La Libertad (Gasteiz)

La Libertad
Mota	Egunkari orokorra
Fitxa teknikoa
Hizkuntza	gaztelaniaz
Argitaratze lekua	Gasteiz ; Euskal Herria
Banaketa
Banatze-eremua	Araba
Maiztasuna	Egunero 1931tik
Historia
Ideologia	ezker politikoa, liberalismoa
Sortzailea	Herminio Madinabeitia
Zuzendaria	Herminio Madinabeitia ; Luis Dorao Merino
Identifikadoreak
ISSN	2487-3500

La Libertad Gasteizen argitaratu zen egunkari liberala izan zen, 1890etik gerra zibila hasi zen artean. Izenburuarekin batera, 1897tik, «Gasteizko egunkaria» zioen; 1915etik 1923ra bitartean, aldiz, «Gasteizko egunkaririk zaharrena» lemapean plazaratu zen. Sortzailea eta zuzendaria lehen garaian Herminio Madinabeitia (1867-1943) izan zen, irakaslea eta Gasteizko alkatea izan zena. Ondoren, egunkaria Luis Doraok erosi zuen.

Historia[aldatu | aldatu iturburu kodea]

Herminio Madinaveitia jabea eta lehen zuzendaria izan zen. Egunkaria hasieran arratsaldekoa eta trisemanala izan zen (igandea, asteartea eta osteguna) eta gero egunero ateratzera pasa zen.

Kaleratu zenean, foruzaletasun liberalaren tesiak defendatu zituen, jauntxokeriaren eta 1876ko uztailaren 21eko legearen aurka kritiko izanik. Lehen zenbakia 1890eko urriaren 25ean inprimatu zen. Lehen zenbakian, letra larriz, «egunkari liberal foruzalea»ren definizioa nabarmentzen zen.

Ondoren, 1917an, Luis Dorao Merinok erosi zuen eta egunkariaren lerro ideologikoa aldatu zen, Dorao lerrouxismoatik gertuagoa baitzen. Gerra zibila hastearekin batera, 1937an, egunkaria argitaratzeari utzi zion; azken zenbakia urtarrilaren 16koa izan zen. ^[1]