Aktinia gorria eta itsas tomatea Ozeano Atlantikoaren ipar-ekialdean eta Mediterraneoan bizi den anemona da.

Izena

Bere izen zientifikoa Actinia equina da.

Deskribapena

Aktinia gorriaren marrazkia.

Euska Herriko kostaldeetan kolore gorria du baina beste leku batzuetan marroia, laranja edo berdea ere izan daiteke. Zilindro itxurako gorputza du eta 5-7 cm arteko altuera hartzen du. Inguruko baldintzen arabera handiagoa edo txikiagoa izan daiteke.

Gorputza biguna da eta ez du eskeleto egiturarik. Goiko aldean ahoa du eta inguruan 192 garro. Garroen azpialdean kolore urdin biziko zakuz osaturiko eraztun bat du. Hauei esker elikagaiak eskuratzen ditu eta lurraldeagatik borrokatzen du.

Bizitokia

Ozeano Atlantikoaren ipar-ekialdeko kostaldeetan eta Mediterranear itsasoan aurkitzen da.

Marearteko eremuetan nahiz sakonera handiko eremuetan aurkitu daiteke. 10-25ºC arteko tenperaturak atsegin ditu baina 2ºC-ko edo 28ºC-ko tenperaturetan ere bizi daiteke.

Gazitasun mailarekiko tolerantzia handia erakusten du.

Elikadura

   Ba al dakizu   

Itsasbeheran garroak biltzen ditu eta tomate baten itxura hartzen du.

• 

Garroekin harrapatzen dituen arrain txiki, krustazeo eta moluskuetaz elikatzen da. Orokorrean egunsentiko argitasunarekin izaten dira aktibo eta janaria urria denean tokiz mugitzen dira.

Ugalketa

Sexuak bereizita dituzte. Enbrioia barruan garatzen da eta ondoren ahotik kanporatzen ditu emeak. 12 garroko aktinia txkiak kanporatzen dituzte eta inguruan finkatzen dira.