Laritz dorrea

Laritz dorrea
	Eraikitako euskal ondasun nabarmena
	Alde Zaharra (Durango)
	Irudi gehiago
Kokapena
Herrialdea	Euskal Herria
Probintzia	Bizkaia
Herria	Durango
Koordenatuak	43°09′58″N 2°37′56″W / 43.166069°N 2.632261°W
Historia eta erabilera
Eraikuntza	XV. mendea
Arkitektura
Estiloa	pizkundetar arkitektura
Solairuak	4
Ondarea
EJren ondarea	24

Artikulu hau Durangoko etxeari buruzkoa da; beste esanahietarako, ikus «Laritz (argipena)».

Laritz dorrea (batzuetan Lariz idatzia) Bizkaiko Durango udalerrian kokatzen den dorretxea da. XV. mendearen bukaeran eraiki zen eta 2009an eraberritua Durangoko turismo bulegoaren egoitza izateko.^[1] Durangoko Alde Zaharrean kokaturik dago eta herriko eraikin zibil zaharrena da.

Historia[aldatu | aldatu iturburu kodea]

Laritz dorrea izen bereko sendiaren jabetzakoa izan zen. Lariz/Laritz familia itzal handikoa izan zen, Durangon zein eskualde osoan hainbat lursailen jabe.^[2]

Hedatua dago Gaztelako Isabel I.a erreginak bertan egin zuela lo 1483. urtean, foruak zin egitera etorri zela. Dena den, udaleko artxibategiko dokumentuen arabera argi dagoen bakarra Martín Ybannes de Laris-en etxean lo egin zuela da; Laritz familiak, ordea, hainbat eraikin zituen Durangon.^[3]

Laritz dorrearen jatorria Leinu gerretan eraiki ziren dorretxeetan dago baina hauek ez bezala hiri-dorrea da, defentsa funtzioa hain beharrezkoa ez duena, eta beraz, horizontaltasunari edo baoen tamainari baino aurrealde nagusiaren dekorazioari lehentasuna ematen dio^[4].

Deskribapena[aldatu | aldatu iturburu kodea]

Hiri-jauregi errenazentista da, eraikuntzaren aldetik kalitate handikoa eta apaindura jorikoa.^[1] Lau angeluko oinplanoa du, eta lau solairu: behekoa, solairuartea, solairu nagusia eta ganbara. Alde nagusia harlanduz egina du eta modu simetrikoan antolatua dago.^[5]