Lesio delitu

Lesio delitua^[1], zuzenbide penalean, pertsona bati lesio bat edo batzuk eragitea da, haren gorputz-integritatea, osasun fisikoa edo osasun mentala kaltetzeko. Delitu ohikoenetako bat da, gehien aitortzen den ondasun juridikoetako bat babesten baitu, hala nola pertsonen gorputz-integritatea.

Biktimari eragindako kaltearekin zuzenean lotuta dagoen zigorra duen delitua da. Kaltea zenbat eta larriagoa izan, orduan eta zigor handiagoa. Lesioaren larritasunak biktimari heriotza eragiten badio, orduan delituak lesio-delitua izateari uzten dio, eta homizidio bihurtzen da.

Lesio-delitua doloz nahiz erruz (normalean, erru larriz) eragin daiteke, baina bi kasu horietako bakoitzari ezartzen zaion zigorra desberdina da.