Likidezia-ratio

Wikipedia, Entziklopedia askea
Jump to navigation Jump to search

Ekonomian, likidezia-ratioa kreditu-erakundeak epe laburrera egin beharreko ordainketei erantzuteko duen gaitasuna neurtzen duen koefizientea da. Kreditu-erakundearen aktibo likidoak pasiboko epe laburreko gordailuekin zatituta kalkulatzen dira. Aurreztaileen interesa babesteko, likidezia-koefiziente[1] handia eskatzen zaie kreditu-erakundeei.

Likidezia-ratioa kalkulatzeko honako formula hau erabiltzen da: LR = AL / ELG.

Likidezia-ratioa, beraz, enpresaren likideziaren adierazgarri da. Likidezia-ratio onargarriak industria batetik bestera aldatu egin daitezke. Askotan, hartzekodunak likidezia-ratio altua baxua baino hobea dela kontsideratuko du, likidezia-ratio altua duenak zorrei aurre egiteko aukera gehiago izango baititu. Hala ere, inbertsoreentzat ez da beti seinale ona enpresak likidezia handia izatea. Gehiegizko likidezia-ratioa izateak, sozietatea bere aktiboak edo epe laburreko gordailuak modu eraginkorrean erabiltzen ari ez dela esan nahi du.

Pasiboko epe laburreko gordailuak, aktibo likidoak gainditzen badituzte, likidezia-ratioa bat baino txikiagoa izango da. Honek, sozietateak epe laburreko betebeharrei erantzuteko arazoak izan ditzakeela esan nahi du. Hala ere, hainbat enpresek bat baino gutxiagoko likidezia-ratioarekin lan egin dezakete. Inbentarioa ordaindu beharreko kontuak baino lehenago bihurtzen bada eskudirutan, enpresaren likidezia-ratioa seguru mantenduko da bat baino gutxiagoan. Enpresek, inbentarioa kostua baino prezio altuagoan saltzeko asmoa izaten dute. Ondorioz, salmentak balantzeko inbentarioaren balioa baino eskudiru gehiago sortuko du.

Likidezia-ratio txikia izatearen beste arrazoi bat, enpresek bere hornitzaileei ordaintzeko epea baino askoz lehenago kobratzen dutenean izango da, bere bezeroen eskutik . Ondorioz, bezeroak enpresari ordaindu dionetik, berak hornitzaileari ordaindu dion arte denbora tarte luzea pasatzen da, eta horrek likidezia-ratioa murrizten du.

Mugak[aldatu | aldatu iturburu kodea]

  • Ratio hau erabilgarria izango da, bi sozietateak industria barruan alderatzen direnean, industriatik kanpo aldaketak egoten baitira.
  • Likidezia zehazteko, likidezia-ratioa ez da ratio-azkarra bezain eraginkorra, likidezian erraz bilakatzen ez diren aktibo guztiak biltzen dituelako, aurrez ordaindutako gastuak eta inbentarioa, esate baterako.


Ekonomia Artikulu hau ekonomiari buruzko zirriborroa da. Wikipedia lagun dezakezu edukia osatuz.
  1.   Vasco, Eusko Jaurlaritza - Gobierno «http://www.euskadi.eus/q91EusTermWar/kontsultaJSP/q91aBilaketaAction.do» www.euskadi.eus . Noiz kontsultatua: 2018-09-24 .