Luis Alaba

Wikipedia, Entziklopedia askea
Luis Alava Sautu» orritik birbideratua)
Jump to navigation Jump to search
Luis Alaba
Bizitza
Jaiotza Murgia1890eko azaroaren  18a
Herrialdea  Araba
Heriotza Madril1943ko maiatzaren  6a (52 urte)
Heriotza modua heriotza zigorra: fusilamendua
Hezkuntza
Hizkuntzak gaztelania
Jarduerak
Jarduerak politikaria
Sinesmenak eta ideologia
Alderdi politikoa Euzko Alderdi Jeltzalea

Luis Alaba Sautu (Murgia, 1890eko azaroaren 18a - Madril, 1943ko maiatzaren 6) EAJko buruzagi arabar historikoa izan zen.

Gaztea zela Madrilera joan zen ingeniaritza kimikoa ikastera. Espainiako hiriburuan EAJra afiliatu zen. Gasteiza itzulita (1915ean) hiri honetako Euskal Gaztedia taldean integratu zen. 1917an EAJk Arabako Madrileko Gorteetarako hautagai izendatu zuen.

Espainiako Gerra Zibila lehertu zenean (1936an) Araba Buru Batzarreko buruzagietako bat zen [1]. Gerra galduta, Alabak klandestinitatean jardun zuen, barruko erresistentzia antolatuz eta euskal presoei eta haien familiei behar zuten laguntza emanez. Era berean, II. Mundu Gerra hasi zenean erbesteko Eusko Jaurlaritzaren artekari bihurtu zen, eta honen bidez frankismoaren errepresio latzaren berri eman zion Frantziako Gobernuari.

1941ean agintari frankistek Gasteizen atxilotu zuten. Bere bizitza salbatzeko nazioarteko ahaleginak egin baziren ere (Pétain mariskal frantziarrarena eta Vatikanoarena, besteak beste) frankistek Madrilen fusilatu zuten 1943ko maiatzaren 6an [2].

Erreferentziak[aldatu | aldatu iturburu kodea]

  1. Luis Alava Sautu Auñamendi Entziklopedia (Gaztelaniaz)
  2. Luis de Alava, un resistente Vasco Iñaki Anasagasti (Gaztelaniaz)