Miri Pérez-Cabrero

Miri Pérez-Cabrero
Bizitza
Jaiotza	Bartzelona, 1993ko abenduaren 15a (30 urte)
Herrialdea	Katalunia
Hezkuntza
Hizkuntzak	gaztelania; katalana
Jarduerak
Jarduerak	aktorea, modeloa eta sukaldaria

Miriam Pérez-Cabrero (Bartzelona, Katalunia, 1993ko abenduaren 15a) bartzelonar aktorea, modeloa eta sukaldaria da. Ezaguna egin zen MasterChef (2017) sukaldaritza-lehiaketan parte hartzean eta Netflixen Alguien tiene que morir (2020) zein Fuimos canciones (2021) jatorrizko ekoizpenetan egindako interpretazioengatik.

Biografia[aldatu | aldatu iturburu kodea]

1993ko abenduaren 15ean jaio zen Bartzelonan (Espainia).^[1] Enpresen Administrazioan eta Zuzendaritzan gradu bat ikasten ari zen, 2017an MasterChef España sukaldaritza-showaren castingera aurkeztu zenean.^[2]

Ibilbide profesionala[aldatu | aldatu iturburu kodea]

MasterChef España 5 kehiaketako casting guztiak gainditu ondoren, hautatua izan zen, eta, amaieran, bosgarren postua lortu zuen lehiaketan.^[3] Urtebete geroago, Matriculats telebista-programan lankide gisa fitxatua izan zen.^[4] Gainera, Planeta argitaletxeak «Miriren errezetak» liburua argitaratu zuen, bere laurogeita hamar plater onenak bildu zituena.^[5]

2020an, Uno Models agentziarekin bat egin zuen argazkigintzako lehen modelo-lanak egiteko; hala, Carola Monje moda-enpresaren kanpainan agertu zen, eta Reserva Wild Forest delakoaren irudia izan zen.^[6] Gainera, Madrileko Zinemako Zentralean trebatu zen interpretazio-karrera hasteko.^[7]

Mirik bigarren mailako pertsonaia batekin egin zuen debuta aktore gisa Netflixen Alguien tiene que morir (2020) telesail orijinalean. Hor Cristina pertsonaia interpretatu zuen, Ester Expósito aktorearen pertsonaiaren lagunetako bat.^[8] Gainera, Netflix-en jatorrizko Fuimos canciones telesailerako fitxatua izan zen bigarren mailako pertsonaia bat egiteko, 2021eko irailean plataforman estreinatua.^[9]^[10]

2022an, Netflixen Sagrada Familia telesailean parte hartu zuen, eta 2024an La 1 kateko La Moderna telesailaren lau ataletan agertu zen.

2024an, Telecinco kateko Supervivientes telerrealitiaren 23. edizioan parte hartu zuen. Hondurasen, besteak beste, Arancha del Sol, Arkano, Rocio Madrid, Pedro García Aguado edo Blanca Manchon atleta olinpikoarekin lehiatu zen.