Motonautika

Motonautika txalupa motordunen lasterketetan oinarritutako kirol familia bat da.

Motonautikaren diziplina nagusiak itsas zabaleko abiadura, kostaldeko abiadura eta erresistentzia dira. Rally lasterketak eta distantzia ultramotzeko dragster lasterketak ere sartzen dira. Diziplina ezberdinak nazioarteko hainbat federaziok betetzen dituzte, hala nola Nazioarteko Motonautika Batasunak (NMB), NOBk onartua, International Jet Sports Boating Associationek edo American Power Boat Associationek.

Historia

Lehenengo lantxa motordunen lasterketa Asnières-Courbevoie urmaelean egin zen 1898an. Motonautika 1900eko Joko Olinpikoetako kirol erakustaldia izan zen eta Londresko 1908ko olinpiar programan sartu zen, hiru titulu eman baitziren, horietako bi britainiarrei eta bat frantses bati (kategoria irekia).

1917an karelez kanpoko lehen motorra garatu zen, eta horrek motonautikaren garapena bultzatuko zuen.

John Ward irlandarraren ahaleginari esker, 1922an Nazioarteko Motonautika Batasuna (NMB) sortu zen Bruselan. 1928an abiadura errekorren homologazioa ezarri zen eta 1938an munduko lehen txapelketa ospatu zen.

Kanpo estekak

• (Ingelesez) NMBren webgune ofiziala
• (Ingelesez) NMBren historia

• Datuak: Q1545308