Musua (Klimt)

Wikipedia, Entziklopedia askea
Jump to navigation Jump to search
Musua
The Kiss - Gustav Klimt - Google Cultural Institute.jpg
Egilea Gustav Klimt
Sorrera 1907-1908
Kokalekua Österreichische Galerie Belvedere, Viena  Austria
Teknika mihise gaineko olioa
Neurriak 180 × 180 cm

Musua Gustav Klimt austriar margolariaren koadroa da, 1907 eta 1908 bitarte margotu zuena. Olioa pintura mihise gainean eta urre-hostoak mihise gainean teknikak erabili zituen eta gaur egun Vienako Belvedere jauregian gordetzen da. Klimten urrezko aroari dagokion koadroa da eta bere lan guztietatik nabarmenetakoa.

Uste da modelo bezala bere burua eta haren neska laguna, Emilie Flöge erabili zituela.[1].


Koadroa[aldatu | aldatu iturburu kodea]

Koadroan elkar musukatzen ari den bikote bat azaltzen da, beren gorputzak aski estaliak dauden bi kapekin, bata laukizuzen beltzez eta zuriez ornitua, indarraren eta gizontasunaren sinbolo, eta bestea, borobil koloredunez eta lorez ornitua, emakumea irudikatzen duena, belauniko eta begiak itxita dituena. Bikotez lorez betetako zoru baten gainean irudikatzen da eta badirudi emakumea bertan sustraitua dagoela. Uler daiteke hortaz, emakumea dela bizitza ematen duena eta maitasuna luzaroan finkatzen duena. Maitaleak eztei jantziak dituzte, ezer gerta ez dakikeela dirudi eta hala ere amildegi baten aurrean daudela dirudi. Koadroa hainbat modutara interpretatu daiteke: bai bikotea amildegi baten ertzean egotea estasiaren irudikapen gisa, bai maitasuna hauskorra dela irudikatzea, eta beraz, haustear dagoen bikote bat azaltzea.

Erreferentziak[aldatu | aldatu iturburu kodea]

  1. Gilles Néret, Gustav Klimt 1862 – 1918. Le monde comme une forme féminine, TASCHEN, Cologne, 2011