Oilo-ipurdi

Wikipedia, Entziklopedia askea
Hona jauzi: nabigazioa, Bilatu
Oilo-ipurdia


Oilo-ipurdia larruazaleko erreakzio fisiologikoa da hotza, izua edo zirrararen aurrean. Ekintza erreflexua da, nahi gabekoa, muskulu edo gihar ile-zutitzaileak uzkurtzen direnean agertzen dena. Hotzak eta aipatutako emozioek (beldurrak, zirrarak, plazerrak...) larruazaleko gihar horietan eragiten dute, bertako ileak tente jarriz.

Larruazalean ile asko dituzten animaliengan ile eta biloaren tentetze horrek aire geruza bat sortzen du, hotzaren aurka isolatzaile moduan jarduten duena.

Larruazaleko gihar ile-zutitzaileak hipodermisen daude, eta nerbio-sistema sinpatikoaren kontrolpean.