Ongintzarako ezagutzaren zeruko merkatal-gunea

Ongintzarako ezagutzaren zeruko merkatal-gunea (gaztelaniaz: Emporio celestial de conocimientos benévolos) alegiazko entziklopedia txinatar bat da, Jorge Luis Borges idazle argentinarrak El idioma analítico de John Wilkins saiakeran azaldua. Bertan, animaliak honela sailkatzen direla idazten da:

(a) enperadorearenak,

(b) baltsamatuak,

(c) bezatuak,

(d) esne-txerriak,

(e) sirenak,

(f) apartak,

(g) zakur solteak,

(h) sailkapen honetan sartutakoak,

(i) zoro gisa mugitzen direnak,

(j) zenbatezinak

(k) gamelu-ile fin-fin batekin marraztuak,

(l) eta abar,

(m) pitxerra oraintxe hautsi dutenak,

(n) urrutitik euliak diruditenak.

Honela dio Borgesek kontakizun horretan: "(...) nabarmen ez dago unibertsoa arbitrarioa eta ustezkoa ez den sailkapenik. Arrazoia oso sinplea da: ez dakigu zer den unibertsoa".

Eraginak

Zerrenda horrek, zeinaren aurkikuntza Borgesek Franz Kuhni egozten baitio, iruzkin filosofiko eta literario ugari sortu ditu, hala nola Michel Foucault-en Hitzak eta gauzak hitzaurrearen hasiera. Louis Sassek dio pentsamendu eskizofrenikoa iradokitzen duela. Aitzitik, George Lakoff hizkuntzalariak esaten du zerrenda antzekoa dela Mendebaldekoak ez diren kulturetako kategoria askotan (ikus taxonomia herrikoia).

Kanpo estekak

• Datuak: Q1966912