Ordu alai

Happy hour hitzak dituen kartel bat, taberna baten kanpoko aldean.

Ordu alaia, batez ere ingelesezko happy hour esamoldearekin ezaguna, edaritegi batek edariak, bereziki alkoholdunak, ohi baino merkeagoak eskaintzen dituen denbora-tartea da ^[1]. Ordu alaieko prezioak edaria eskatzen denean aplikatzen dira, ez ordaintzen denean.

Munduko hainbat herrialdetako taberna, pub eta diskoteken marketin-estrategia da. Eguneko unea, oro har, saltokia gutxien erabiltzen den unea izaten da, bezeroak erakartzeko ahaleginean; arratsalde amaieran (lanaren ondoren) eta/edo gauean (afaldu aurretik), astelehenetik ostegunera.