Patrice Talon
| Patrice Talon | |||
|---|---|---|---|
_(cropped).jpg) | |||
2016ko apirilaren 6a - ← Thomas Boni Yayi | |||
| Bizitza | |||
| Jaiotza | Ouidah (en)  , 1958ko maiatzaren 1a (67 urte) | ||
| Herrialdea |  Benin | ||
| Familia | |||
| Ezkontidea(k) | Claudine Talon | ||
| Seme-alabak | ikusi
| ||
| Hezkuntza | |||
| Heziketa | Université Cheikh Anta Diop (en) École nationale de l'aviation civile | ||
| Hizkuntzak | frantsesa | ||
| Jarduerak | |||
| Jarduerak | politikaria eta enpresaburua | ||
Parte-hartzailea
| |||
| Jasotako sariak | |||
| Ideologia eta sinesmenak | |||
| Erlijioa | Erromatar Eliza Katolikoa | ||
| Alderdi politikoa | hautagai independente | ||
   | |||
 | |||
Patrice Talon (Ouidah, 1958ko maiatzaren 1a) benindar enpresaburu eta politikaria da. Beningo Errepublikako presidentea da 2016tik.[1]
Bizitza
[aldatu | aldatu iturburu kodea]Patrice Guillaume Athanase Talon Ouidahen jaio zen, 1958ko maiatzaren 1ean. Zientzietako gradua lortu zuen Dakarreko Unibertsitatean, eta Parisko Abiazio Zibileko Eskola Nazionalean sartu zen.[2] Pilotua izan nahi zuen, baina ez zuen azterketa medikua gainditu.
Beninera itzulirik, nekazaritza-banaketako negozioetan jardun zuen, eta inperio bat eraiki zuen herrialdeko klase politikoarekin zituen loturei esker. Hori zela eta, "Kotoiaren erregea" ezizena eman zioten. Thomas Boni Yayi presidentearen jarraitzaile, 2006ko eta 2011ko hauteskundeetarako kanpainak finantzatu zizkion.[2]
Hautagai independente gisa aurkeztu zen 2016ko martxoko presidentetzarako hauteskundeetara. Lehenbiziko bozketan bigarren amaitu zen, Lionel Zinsouren atzetik, baina bigarren txandan nagusitu zitzaion botoen %65ekin.[2] 2021eko hauteskundeak lehenbiziko itzulian irabazi zituen, botoen %86,3 jasota. Oposizioak, ordea, Talonen autoritarismoa salatu zuen.[3][4]
2025eko abenduaren 7an, militar talde bat presidente kargutik kentzen saiatu zen. Berri agentzien arabera, armadak zapuztu zuen presidentearen jauregiaren aurkako erasoa eta matxinoak atxilotu.[4]
Erreferentziak
[aldatu | aldatu iturburu kodea]- ↑ Jounaïdi, Aabla. Bénin: Patrice Talon, le président de la rupture?. Radio France Internationale, 2016ko martxoak 22, rfi.fr (kontsulta data: 2025-12-10).
- 1 2 3 H.E. Patrice Talon. summit.norwegianafrican.no (kontsulta data: 2025-12-10).
- ↑ Deveaux, Jacques. Présidentielle au Bénin : Patrice Talon prend goût au pouvoir et la démocratie s'en ressent. franceinfo.fr (kontsulta data: 2025-12-10).
- 1 2 Armadak kontrola berreskuratu du eta Estatu kolpea zapuztu Beninen. Naiz, 2025eko abenduak 8, naiz.eus (kontsulta data: 2025-12-10).
Kanpo estekak
[aldatu | aldatu iturburu kodea]| Autoritate kontrola |
|
|---|
Datuak: Q16669148
Multimedia: Patrice Talon / Q16669148
