Paul Gustave Fischer

Paul Gustave Fischer
	; Irudi gehiago
Bizitza
Jaiotza	Kopenhage, 1860ko uztailaren 22a
Herrialdea	Danimarka
Heriotza	Gentofte (en) , 1934ko urtarrilaren 5a (73 urte)
Familia
Aita	Philip Fischer
Anai-arrebak	ikusi August Fischer (en) ;
Hezkuntza
Heziketa	Danimarkako Arte Ederren Errege Akademia ; (1876 - 1878)
Hizkuntzak	daniera
Jarduerak
Jarduerak	margolaria, ilustratzailea, kartelgilea, eskultorea, marrazkilaria eta argazkilaria
Lantokia(k)	Kopenhage
Influentziak	inpresionismo
Mugimendua	Errealismoa
Genero artistikoa	biluzia; hiri-paisaia; erretratua

Paul Gustave Fischer (Kopenhage, 1860ko uztailaren 22a - Gentofte, 1934ko maiatzaren 1a) Danimarkako margolari ospetsua izan zen. Bere lanak Errealismoan kokatu behar dira.

Biografia[aldatu | aldatu iturburu kodea]

Jatorri judua zuen; haren familia lau belaundaldi lehenago Poloniatik Danimarkara joandako familia zen. Aita merkataria zen baina margolaritzarekiko zaletasuna zuen eta semeari erakutsi zion. Bere arte-ikasketak laburrak izan ziren, bi urte Kopenhageko Arte Ederren Errege Akademian. Lehenengo lanak hiriko paisaiak izan ziren.

1891tik 1895ra Parisen bizi izan zen. Horri esker bere paleta eta kromatismoa aberastu eta argitu egin zen.^[1] 1890tik 1910ra, besteak beste, Eskandinavia, Italia eta Alemaniako paisaiak margotu zituen. Norvegia eta Suediako lagunek, bereziki Carl Larssonek, laguntza eta estima adierazi zioten.

Paisaietatik at, emakume biluzik erakusten zituzten margolanak egin zituen, gehienak itsasoarekin eta bainuarekin lotuta. Théophile Steinlen eta Henri de Toulouse-Lautrec] bidea karraituz, bestetik, afitxeak ere egin zituen.^[2]

Urte haietan Danimarkako artean Laurits Tuxen margolaria zen nagusi. Fischerrek bere bizitzan ez zuen kritikaren onespena handia izan baina haren lanak oso ondo saltzen ziren. Fischer Tuxenen aurretik gertaera historiko batean jarri zen aurrean: Suediak subiranotasuna Norvegiari itzuli zion eta gertaera margotzeko Fischerrek Norvegiako erregearen enkargua jaso zuen.