Peleo

Wikipedia, Entziklopedia askea
Hona jauzi: nabigazioa, Bilatu
Peleo
Thetis Peleus Cdm Paris 539.jpg
Ezaugarriak
Sexua gizonezkoa
Familia
Aita Eako
Ama Endeïs
Ezkontidea(k) Antigone, Thetis eta Laodameia
Seme-alabak Akiles, Polydora eta Polymele
Anai-arrebak Menoetius

Peleo[1], grezierazko izenaz Peleus, Antzinako Greziako elezaharretako mitologiako pertsonaia zen; Tesaliako mirmidoien erregea, Eakoren semea eta Akilesen aita.

Telamon anaiarekin bere anaiorde Foko hil zuen, eta Eginatik alde egin behar izan zuen. Ftiako Eurition erregeak babesa eman zion, eta haren alaba Antigonarekin ezkondu zen, erresumaren herena bere esku utzi zuelarik. Ehizan ari zirela, aitaginarreba hil zuen, eta berriro ihes egin behar izan zuen. Iolkoseko Akasto erregeak bere hobenaz garbitu zuen. Patua, alabaina, ez zuen aldeko: Akasto erregearen emazte Astidamia erregina hartaz maitemindu zen; Peleok, ordea, gaitzetsi egin zuen; Astidamiak, hisiaz, bere senarraren aurrean, Peleori bera seduzitzen saiatu izana leporatu zion. Akastok armarik gabe abandonatu zuen Peleon mendian, zentauroek hil zezaten; baina Kiron zentauroak salbatu zuen, eta Peleok Akasto eta Astidamia hil zituen.

Bestalde, Peleok Argonauten bidaia eta abenturetan parte hartu zuen.

Wikimedia Commonsen badira fitxategi gehiago, gai hau dutenak: Peleo Aldatu lotura Wikidatan

Erreferentziak[aldatu | aldatu iturburu kodea]