Ezkondua, biologian lizentziatua, matematikako irakaslea izan da, baina bere lan ibilbidea, batez ere arbitrajean eman du. Ia ez zuen saskibaloian jokatu, Caceresen egin zuen batxilergoan apurren bat. Gero, 1975ean, boleibolean, saskibaloian eta eskubaloian egin zuen arbitro-ikastaroa, baina karrera ikastera Madrilera itzuli zenean, saskibaloian zentratzea erabaki zuen. Cáceresen bi denboraldi eta Madrilen beste 17 eman zituen horretan.[2]
1987an FIBAn nazioartekoa izatea lortu zuen, eta 1992an ACB ligara igo zen. Liga horretako lehen emakume arbitroa izan zen. 1992ko martxoaren 29an hasi zen Collado Villalba CBn Formum Filatelicoren aurka (88-84). 2000. urtean Bartzelonara joan zen bizitzera eta Kataluniako Arbitro Batzordean sartu zen. Urte hartan, Sidney 2000ko Udako Olinpiar Jokoetako bost partida ere zuzendu zituen (lau emakumezkoenak eta bat gizonezkoena). Arbitraje aktiboa 2004an utzi zuen.[4] Orduz geroztik, batzorde teknikoko lanetan parte hartu du.[5]
Espainia
Datuak: Q65364049