Portalea (Gasteiz)

Wikipedia, Entziklopedia askea
Hona jauzi: nabigazioa, Bilatu
Portalea
Gasteizko Portalea.JPG
Portalea, Santa Maria katedraletik ikusia.
Portalea (Gasteiz) hemen kokatua: Gasteiz erdigunea
Portalea (Gasteiz)
Portalea (Gasteiz)
Portalea (Gasteiz) (Gasteiz erdigunea)
Kokapena
Herrialdea  EH
Herria  Araba, Gasteiz
Koordenatuak 42° 51′ 05″ N, 2° 40′ 24″ W / 42.85144167°N,2.67327778°W / 42.85144167; -2.67327778Koordenatuak: 42° 51′ 05″ N, 2° 40′ 24″ W / 42.85144167°N,2.67327778°W / 42.85144167; -2.67327778
Arkitektura
Garaia XV. mendea

Portalea XV. mendean egindako etxe bat da, salerosleen ostatu eta salgaien gordailu izateko eraikia.[1] Gasteizko Alde Zaharraren iparraldean dago, Hedegile kalean, Andatarren dorretxearen eta Buruileria plazaren ondoan. Lehenengo jabeak Hurtado de Mendozatarrak izan ziren, Bizkaiko Urdaibaitarrak gero, eta Mazarredotarrak geroago.[1] 1950eko hamarkada arte, haritz zuraz egindako atetzar handia (hortik datorkio etxeari izena) zabalik izaten zuen, salerosleek gurdiak sar zitzaten; horrela, salgaiak lapurtzea edo hondatzea saihesten zuten. Erdi Aroko ohiko etxe baten tankera du: zurezko egitura du, eta hormak adreiluzkoak dira (tarteka, adobea erabiltzen zuten).[2]

1940ko hamarkadan etxea oso hondatuta zegoen. 1950ean, Gasteizko Aurrezki Kutxak erosi zuen,[1] eta eraikina zaharberritzeari ekin zion.[3] Portalea, orduz geroztik, El Portalón jatetxearen egoitza da, eta Vital Kutxa (Gasteizko Aurrezki Kutxaren ondorengoa) da Portalearen jabea gaur egun.[4]

Portalea, Hedegile kaletik ikusia.

Erreferentziak[aldatu | aldatu iturburu kodea]

  1. a b c «La Vital saca a concurso la explotación del emblemático restaurante El Portalón», El Correo, 2007-10-02.
  2. «Erdi Aroko Gasteiz» erreportajea, Teknopolis telebista saioa, Elhuyar, 2011-10-16. 4. minututik aurrera, Portaleari buruzko informazio pixka bat.
  3. «El Portalón y la Burullería», Recordando Vitoria-Gasteiz bloga, 2009-05-15.
  4. Alberto CANTO: «Los dueños del restaurante Arkupe gestionarán El Portalón», El Correo, 2007-11-01.

Kanpo loturak[aldatu | aldatu iturburu kodea]

Portal.svg
Euskarazko Wikipedian bada atari bat, gai hau duena:
Gasteiz