San Joan Bataiatzailearen Jaiotzaren eliza

San Joan Bataiatzailearen Jaiotzaren eliza
	Johannes Kastajan syntymän kirkko; Pyhän Johannes Kastajan syntymän kirkko
	Irudi gehiago
Kokapena
Estatu burujabe	Finlandia
Regional State Administrative Agency	Regional State Administrative Agency for Lapland
Finlandiako eskualdeak	Lappi
Hiria	Kemi
Koordenatuak	65°44′40″N 24°33′34″E / 65.74452°N 24.5595°E
Altitudea	4 m, itsas mailaren gainetik
Historia eta erabilera
Irekiera	1962
Jabea	Oulu Orthodox Parish (en)
Erlijioa	Finnish Orthodox Church (en)
Elizbarrutia	Orthodox Diocese of Oulu (en)
Arkitektura
Arkitektoa	Ilmari Ahonen (en)
Kontaktua
Helbidea	Lehtokatu 31

San Joan Bataiatzailearen Jaiotzaren eliza edo Kemiko eliza ortodoxoa (finlandieraz, Johannes Kastajan syntymän kirkko eta Kemin ortodoksinen kirkko) Kemi hirian dagoen eliza ortodoxoa da. Biztanle gehien dituen auzoaren bihotzean dago, alegia, Koivuharju auzoan, eta Finlandiako Eliza Ortodoxoak 1962an ireki zuen hiriko komunitate ortodoxoari erlijio-zerbitzua emateko. Arkitektoa Ilmari Ahonen finlandiarra izan zen eta estilo ortodoxoaren aipainduratik urrun, eraikin xume bat eraikitzea erabaki zuen. Aurrealde zuria ezkila-dorretxo batek osatzen du eta dorrearen koroa, aldiz, tipula itxurako beltz bat da. Horma zuria Jesukristoren erlijio-estiloko margo batek apaintzen du eta sarrera nagusiaren zaindari nagusia da. Guztira, 200 fededunentzako eserlekua du tenpluak eta gaur egun Kemiko ortodoxoena komunitate txikia den arren, oso parte-hartzailea da. Eliza hau Ouluko Elizbarruti Ortodoxoan dago eta elizbarruti honen egoitza nagusia Ouluko Hirutasun Santua katedrala da ^[1].

Aipatzekoa da XX. mendean eliza ortodoxoak presentzia handia izan zuela azpieskualde honetan. 1920ko hamarkada inguruan, SESBetik etorritako errusiar errefuxiatu ugari Lappiko Kemi-Tornio, Rovaniemi eta Inari udalerrietan egokitu ziren eta bertan, komunitate txikiak eratu zituzten. Industria lan ugari zenez, Kemin beste tokitan baino errusiar gehiago bildu zen eta hasiera batean, Alderdi Komunistak hirian zuen nagusitasuna zela-eta, talde hauek gutxietsiak izan ziren. Dena den, Finlandiako Alderdi Komunistak SESBekin zuen harremana hautsi egin zuenean, errusiar errefuxiatu hauek gogoz parte hartzen hasi ziren hiriko ekintzetan. Azkenean, goian aipatu bezala, 1962an euren erritua praktikatzeko eliza bat eraiki zuten Koivuharjun, tradizionalki errusiar jatorriko biztanle gehien dauden auzoan. Herritar hauek hiriko kulturan bete-betean murgiltzen joan ziren heinean, komunitate bereizi txiki bat izateari utzi zioten eta euren ohiturak galtzen hasi ziren. Gaur egun, herritar gutxi batzuk baino ez dute mantentzen arbasoen erlijioa eta Errusiatik iritsitako etorkinen kopurua nabarmena izaten jarraitzen duen arren, eliza ortodoxoaren tenplu hau ez da oso bisitatua.