San Salbador eliza (Camanzo)

San Salbador eliza (Camanzo)
	Irudi gehiago
Kokapena
Estatu burujabe	Espainia
Autonomia	Galizia
Probintzia	Pontevedrako probintzia
Galiziako udalerrien zerrenda	Vila de Cruces
Galiziako parrokia	Camanzo, Vila de Cruces
Koordenatuak	42°47′N 8°19′W / 42.79°N 8.32°W
Historia eta erabilera
Elizbarrutia	Santiago de Compostelako artxidiozesi Erromatar Katolikoa
Izena	Jesus Nazaretekoa
Arkitektura
Estiloa	Arte erromanikoa

San Salbador eliza Camanzoko parrokia-eliza da (Vila de Cruces, Galizia). 1166. urtean eraikia, oinplano basilikala du eta hiru nabe eta hiru abside. Antzina monasterio baten eliza izan zen.

Monasterioa[aldatu | aldatu iturburu kodea]

Camanzoko monasterioa X. mendean sortu zuten Gonzalo kondeak eta Teresa emazteak. Hasieran, monje beneditarrak eduki zituen eta, ondoren, moja komunitate bat.

Monasterioaren aztarna batzuk geratzen dira, hala nola gela kapitularreko arkupea. Bi zutaberen gaineko zirkuluerdi-formako arkuak dira, hostoen apaindurarekin.

Deskribapena[aldatu | aldatu iturburu kodea]

Elizak oinplano basilikal primitiboa du, hiru nabe eta hiru abside erdizirkular. Erdiko nabea altuagoa da. Burualdetik hurbilen dauden arkuak zorrotzak dira, eta horrek erreforma gotiko bat adierazten du. Burualdeko kaperetako zutabeetako eta nabeetako arkuetako kapitelak erromanikoak dira eta apaindura geometrikoak eta loredunak dituzte. Burualdeko kaperetan sartzeko arkuak ornamentatutako arkiboltez osatuta daude. Presbiterioaren gaineko kanoi-gangaren zati bat XVI. mendeko pinturez estalita dago.

Kanpoaldean, erdiko absideak ferra-oinplanoa du; alboetako absideek ferra-oinplanoa dute barruan, eta kanpoan zirkuluerdi-formakoa.

Ate nagusiak arkibolta bikoitza du zutabeen gainean; kanpoko arkiboltak lore apaingarriak ditu. Tinpanoan Agnus Dei bat dago zizelkatua, ferra-arku formako lore-zerrenda batez inguratua. Iparraldeko hormako ate erromanikoak arkibolta peraltatuak ditu, bi zutabetan gainjarritako arku txikiz apainduak. Hegoaldeko fatxada berregin egin zen portada zaharreko zenbait elementu kontserbatuz.