Segestria florentina
Segestria florentina, Europako segestriidae familiako armiarma handiena da. Emeak 14-22 mm neurtzera hel daitezke; arrak, ordea, beste hainbat armiarma bezalaxe txikiagoak dira eta 10-15 mm bitartean neurtzen dute. Espezie hau bere generoko beste espezie batzuk baino ilunagoa da.
Izaera[aldatu | aldatu iturburu kodea]
Bere ehiza egiteko teknika horma edo harria arrakaletan zetazko hodiak egitea eta bertatik ustekabean irtetean datza, bere harrapakina ezustez harrapatzeko.
Hedadura[aldatu | aldatu iturburu kodea]
Jatorriz Europako mediterranear klimako lurretakoa da, baina nahi gabe Atlantikoko uharte batzuetara, Argentinara eta Australiara eraman du gizakiak.
Ziztada[aldatu | aldatu iturburu kodea]
Bere ziztada nahiko mingarria da, eta hainbat orduko iraupena du. Haren pozoian bi neurotoxina eta intsektizida bat aurkitu dira.