Shogunerri

Wikipedia, Entziklopedia askea
Jump to navigation Jump to search

Shogunerria edo bakufua (幕府, bakufu?, hitzez hitz «gobernua denda gainean») Japonian ezarritako gobernu militarra izan zen, etenaldi laburrekin XII. mendearen amaieratik 1868ko Meiji berrezarkuntza arte iraun zuena.

Shogunerriaren buru, shoguna zen, bere atzetik zegoen antolakuntza aparatua, shogunerri ezberdinetan aldatu egin zen bitartean. Hiru shogunerri existitu ziren Japoniako historian:

Izena Aroa Hiriburua Sortzailea Klana
Kamakura shogunerria Kamakura garaia Kamakura Minamoto no Yoritomo Minamoto klana eta Hōjō klana
Ashikaga shogunerria Muromachi garaia Kioto Ashikaga Takauji Ashikaga klana
Tokugawa shogunerria Edo garaia Edo Tokugawa Ieyasu Tokugawa klana

Kamakura shogunerria, hiru organuz osatua zegoen:

  1. Mandokoroa, administrazioa, finantza eta kanpo politikaz arduratzen zena
  2. Samurai dokoroa, kontu militarrez eta poliziaz arduratzen zena
  3. Monchugoa, kontu juridikoetaz arduratzen zena eta Justizia Gorte bezala aritzen zena.

Tokugawa shogunerria, bost organuz osatua zegoen:

  1. Tairōa edo Agure handia
  2. Rōjūa edo Agureen Kontseilua
  3. Wakadoshiyoria edo agure gazteen kontseilua
  4. Ōmetsukea edo zentsorea
  5. Machi-bugyōa edo gobernu zibila.
Wikimedia Commonsen badira fitxategi gehiago, gai hau dutenak: Shogunerri