Takotsubo miokardiopatia

Wikipedia, Entziklopedia askea
Hona jauzi: nabigazioa, Bilatu
Takotsubo miokardiopatia

TakoTsubo scheme.png

Takotsubo miokardiopatiaren irudi eskematikoa (A) pertsona normal batekin alderatua (B).
Deskribapena
Mota miokardiopatia
Identifikatzaileak
GNS-9 429.83
DiseasesDB 33976
MeSH D054549

Takotsubo miokardiopatia, estresak sortutako miokardiopatia edo bihotz apurtuaren sindromea[1], miokardioaren bat-bateko ahultzea dagoen miokardiopatia ez iskemiko mota bat da. Ahultze hau, estres emozionalak sortu dezake; erlazio sentimental baten amaiera edo lagun baten heriotzak sor dezakeen sindromea da. Horregatik, bihotz apurtuaren sindromea deritzo.

Gaixotasun hau pairatzen dutenen gehiengoa, insufizientzia kardio-kongestibo batekin edo kaxa toraziko inguruan sortutako minarekin agertzen da. Elektrokardiogramean, ezkerreko bentrikulu paretaren miokardioaren infartua bezala agertuko da.

Pazientearen azterketan, ezkerreko bentrikuluaren puntan handidura bat agertzen da gehiengoen kasuetan. Ezaugarri hau izan zen, "Tako Tsubo" edo olagarro zepoa japonieraz, izena eman ziotena, izan ere, herrialde honetan deskribatu zen lehenengo aldiz. Katekolamina zirkulanteek izan daitezke gaixotasun honen eragileak, bereziki epinefrina/adrenalina. Sindrome hau dutenei, normalean, angiografia koronario bat egiten zaie, baina batzuetan ez da eraginkorra izaten, ezkerreko bentrikuluaren obstrukzio esanguratsuak ez agertzea gerta daiteke. Takotsubo miokardiopatia emakume post-menopausikoetan agertzen da. Ohiki, estres fisiko edo psikologiko batek sortzen du.

Etiologia[aldatu | aldatu iturburu kodea]

Sindrome honen etiologia ez dago oraindik guztiz azalduta, hala ere, hainbat mekanismo proposatu dira.

Paziente talde handi baten azterketa egin eta gero, ondorio honetara heldu zen; Takotsubo miokardiopatia izateko probabilitate handiagoa zutela estres emozionala edo klinikoaren menpe zegoen jendea. Gutxi gorabehera, paziente horien heren batek ez zuen estres aurrekaririk.

Histologia[aldatu | aldatu iturburu kodea]

Miokardiopatia honen jatorria bezala miozitolisis fokalak erregistratu dira. Orain arte, ez da inongo agente mikrobiologikorik erlazionatu Takotsubo miokardiopatiarekin. Kasu batzuetan, zelula nukleobakar txikiko filtrazioak aurkitu dira, aurkikuntza hauek, bihotzaren gaixotasun inflamatorio bat dela adierazten dute, eta ez gaixotasun koronario bat. Bada ere, gaixotasun koronariorik gabeko min miokardiko histologiko bat agertzen duten informeak.

Berezitasunak[aldatu | aldatu iturburu kodea]

Bere bikote sentimentala galdu duten pertsonek, gaixotasun hau jasateko %41-eko probabilitate handiagoa dute.

Estres psikologiko negatibo zein positiboa sor dezake gaixotasun hau agertzea. Adibidez, Albert Ariza[2] doktoreak azaltzen duen moduan, emakume bat ospitaleratua izan zen bere familiar baten ezkontzan emozionatu zelako.

Gaixotasun honen mortalitatea %2-koa da, gehienetan, zailtasun larriak sortzen dira.

Bihotz apurtuaren sindromea jasan dutenen %10-ak, berriro pairatuko dute gaixotasuna.

Errefentziak[aldatu | aldatu iturburu kodea]

  1. Revista Española de Cardiología, Gazteleraz (2016eko maiatzaren 20ean) http://www.revespcardiol.org/es/sindrome-tako-tsubo-e-insuficiencia-cardiaca/articulo/90156795/
  2.   <<En tu próxima ruptura sufrirás el "síndrome del corazón roto">>, http://www.elmundo.es/papel/todologia/2016/05/17/5735f0a3468aeb7b428b45e2.html. Noiz kontsultatua: (2016eko maiatzaren 20ean) .