Tenenet
Tenenet, aldaerak Tjenenet, Zenenet, Tanenet, Tenenit, Manuel de Codage-en (ordenagailuko sarreretan testu hieroglifikoak kodetzeko eskuliburua) transliterazioa Tnn.t, antzinako Egiptoko erditze eta garagardoaren jainkosa izan zen. Ptolomeo garaiko testuetan aipatzen da, adibidez, Hilen Liburuan.
Erditze eta garagardoarekin lotura[aldatu | aldatu iturburu kodea]
Tenenet erditzeari lotua zegoen eta emakume haurdunen umetokien babes eske zen deitua.[1] Buruan behi umetoki bat zeramala irudikatzen zen, Meskhenet jainkosa bezala, erditzeari lotua hau ere.
Tenenet, gainera, garagardo eta garagardogintzaren jainkosa zen eta bere izena "tenemu" (garagardo) hitzetik eratorria izan daiteke; izan ere, emakumeak ogia egitearen arduradunak izan ohi zirenez, garagardoa ere emakumearen zeregina izan zen. Garagardogintza garagarrarekin egindako ogi berezian oinarritua zegoen, gero ontzietan hartzitua.[2] Honela, Tenenet garagardoari ere lotua izan zen.
Gurtza[aldatu | aldatu iturburu kodea]
Hermontis izan zen bere gurtza gunea. Monturen ezkontidea izan zen. Gerora, Rat-Taui,[3] Isis eta Anitekin batua izan zen.[4] Bere forma gizakiarena zen eta buruan Meskhenetek zeraman antzeko ikur bat zuen.
Erreferentziak[aldatu | aldatu iturburu kodea]
- ↑ Christian Jacq, Les Egyptiennes, Perrin, 1996, ISBN 2-262-01075-7
- ↑ Norman Bancroft Hunt, Living in Ancient Egypt, Thalamus Publishing, 2009, ISBN 978-0-8160-6338-3
- ↑ Manfred Lurker, The Routledge Dictionary of Gods and Goddesses, Devils and Demons, Routledge 2004, ISBN 0-415-34018-7, p.208
- ↑ W. Max Muller, Egyptian Mythology, Kessinger Publishing 2004, ISBN 0-7661-8601-6, p.150