The Holdovers

The Holdovers
Jatorria
Argitaratze-data	2023
Izenburua	The Holdovers eta Winter Break
Jatorrizko hizkuntza	ingelesa
Jatorrizko herrialdea	Ameriketako Estatu Batuak
Ezaugarriak
Genero artistikoa	komedia dramatikoa eta Gabonetako filma
Iraupena	133 minutu
Kolorea	koloretakoa
Zuzendaritza eta gidoia
Zuzendaria(k)	Alexander Payne
Gidoigilea(k)	David Hemingson (en)
Antzezlea(k)
	Paul Giamatti ; Da'Vine Joy Randolph (en) ; Carrie Preston (en) ; Dominic Sessa (en)
Ekoizpena
Ekoizlea	Mark Johnson; Bill Block (en) ; David Hemingson (en)
Konpainia ekoizlea	Miramax
Edizioa	Kevin Tent (en)
Bestelako lanak
Musikagilea	Mark Orton (en)
Argazki-zuzendaria	Eigil Bryld (en)
Fikzioa
Kontakizunaren tokia	Boston

The Holdovers 2023ko Alexander Payne estatubatuar zinema zuzendariaren komedia dramatikoa da.

Sinopsia[aldatu | aldatu iturburu kodea]

Oharra: Atal honek istorio osoa edo amaiera argitzen du.

Paul Hunham AEBetako eskola-barnetegi pribatu bateko historia irakaslea da. 1970eko hamarkada da, eta herrialdean influentziarik handiena duten familia aberatsetako semeak joaten dira Barton akademiara. Hunhamek, Bartoneko ikasle ohia bera, ez ditu estimu handitan ez ikasleak, ezta eskolako langileak ere. Harentzat, edozer egiteko eskubidea dutela uste duten haur lotsagabeak dira ikasleak, eta Bartoneko administrazioa ustela dela iruditzen zaio; familiarik aberatsenen esanetara lan egiten dutela. Hunham une oro haserre dagoen irakasle marmarti bat da, eta ikasleei suspenditzen ari ez denean, arau urratze txikienak zigortzen ari da. Horiek horrela, ikasle eta irakasleek ez dute gizona gustuko, baina ez dirudi hari askorik axola dionik.^[1]

Gabonetako oporrak gertu daude, eta ikasle gehienak familiarekin bidaia ikusgarriak egitera joango dira, baina urtero badaude gutxi batzuk etxera itzultzeko aukerarik ez dutenak eta, beraz, eskolan gelditu behar dutenak. Bere eta haien zoritxarrerako, gazte horiek zaintzen gelditzeko agindua jasoko du Hunhamek, baina, azken uneko ezusteko bat dela medio, taldea murriztu egingo da, eta hirukote bilakatuko da. Hunhamez gain, beste hauek geldituko dira han: Mary, sukaldean lan egiten duen emakume bat, Vietnamgo gerran semea galdu berri duena, eta Angus, ikasle oso azkarra baina familia aberats horietako baten seme lotsagabea.^[1]