Traductio

Traductio erretorikako figuren artean errepikapen figura bat da. Traductio hitz bat modu nabarmenaz errepikatzea da; errepikapen hori literala izan daiteke edo gramatikako aldaketa batekin. Azken kasu horri annominatio deitzen zaio. Gerta daiteke baita hitz bera haren esanahi desberdinekin agertzea; horri antanaklasi esaten zaio.

Joan Mari Irigoien idazlearen ondoko adibide honetan “demokrazia” hitzaren bidez traductio figura garbi ikusten da:^[1]

Ongi bai ongi

doakigu demokrazia santua,

demokrazia indartsua,

demokrazia hilezkorra!