Arrautza (janaria)
Arrautza gizakiek jaten duten produktua da. Batez ere hegaztiena jaten da, bereziki oiloena. Hala ere, narrasti edo arrainena ere jaten da.
Jan daitezkeen arrautza gehienak arrautza-oskol, zuringoa eta gorringoak osatzen dute. Arrautzaren zati guztiak jateko onak badira ere, arrautza-oskola normalean baztertua izaten da.
Berez, arrautza zenbait animalien emeek sortzen dituzte, eta errun ostean kume berri bat jaiotzen da.
