Txikipedia:Burrun
Burruna aerofonoen familiako soinu-tresna da. Furrufarra edo zurrunbera ere esan izan zaio. Ingelesez bullroarer izena hartzen du, eta gazteleraz zumbadora.
Nolakoa da?[aldatu | aldatu iturburu kodea]
Zurezko taulatxo luzexka bat da. Mutur batean duen zulo batetik soka bat pasatzen da. Tokian toki neurri eta itxura ezberdinak hartzen dituzte.
Nola jotzen da?[aldatu | aldatu iturburu kodea]
Sokaren mutur batetik heldurik, taulatxo hori abiadura bizian airean bueltaka jartzen da, zurrunbilo hotsa emanez. Abiaduraren arabera hotsaren tonua aldatzen da.
Zertarako jo izan da Euskal Herrian?[aldatu | aldatu iturburu kodea]
Haurrek jolasteko erabili izan dute, eta animaliak uxatzeko ere erabili izan dira halakoak.