Japoniako Alpeak

Japoniako Alpeak Japoniako mendikate nagusia da. Herrialdeko uharterik handiena, Honshu uhartea, zeharkatzen dute erdialdetik. Mendikate honetako mendirik altuena Kita-dake izenekoa da; 3.193 m ditu eta Japoniako bigarren mendirik altuena Fujiren atzetik.

Europako Alpeekin zerikusirik ez badute ere, izen hori eman zion britainiar esploratzaile batek XIX. mendean Europako mendien antza dutelako. 3.000 m gainditzen dituzten mendiak daude eta jomuga ezaguna da txangozale, eskiatzaile eta naturazaleentzat.

Ezaugarri geografikoak

Japoniako Alpeak hiru multzo nagusitan banatzen dira:

• Iparraldeko Alpeak (Hida mendiak): Hotaka mendia (3.190 m) da zati honetako altuena.
• Alpe Zentralak (Kiso mendiak): Kisokoma mendia (2.956 m) da multzo honetako garaiena (2.956 m)
• Hegoaldeko Alpeak (Akaishi mendiak): Bertan aurkitzen da Kita mendia (3.193 m).

Ibaiak eta haranak

• Kurobe ibaia: zintzur harrigarriak sortzen ditu, Kurobe arroila adibidez.
• Kamikōchi harana: parke nazionala da, paisaiengatik ospetsua.

Natura eta klima

Flora eta fauna

• Basoak: pagoak, izeiak eta laritzak ditu hegaletan.
• Fauna: elurretako tximinoak (Japoniako makakoak), Asiako hartz beltzak eta faisaia berdea aurki daitezke bertan.
• Lore alpetarrak: udan, mendiak kolorez betetzen dira, Primula japoniarra izeneko loreekin, adibidez.

Klima

Neguan, elurte handiak egoten dira, neguko kirolentzat ezin hobeak. Udak, aldiz, freskoak eta hezeak izaten dira, ibilaldientarako aproposak.

Kulturaren eta turismoaren garrantzia

Mendiak sakratuak dira sintoismoarentzat eta budismoarentzat, Japonian praktikatzen diren erlijioentzat, alegia.

Bestalde, mendi-hegaletan zenbait tenplu eta santutegi daude, Zenkō-ji tenplua, adibidez, Nagano hiritik gertu dagoena.

Xendazaletasunak garrantzi handia du mendikate honetan; Daikiretto zeharkaldia ospetsua da mendizale arituentzat.

Eskia ere egiten da bertan; Hakuba estazioan, adibidez, 1998ko Neguko Olinpiar Jokoak antolatu ziren.

Ur termal ospetsuak daude hemen, Jigokudani parkean, adibidez, non tximinoak ur beroetan bainatzen diren.

Badago mendi-tren bat, Tateyama Kurobeko Trena, mendialde honetako paisaia ikusgarriak zeharkatzen dituena.

Irudiak

• 
  Kita-dake, 3.193 m
• 
  Hotaka-dake, 3.190 m
• 
  Ontake, 3.667 m