Wikipedia, Entziklopedia askea
Laukiaren osagaiak.

Laukiak lau alde dituzten poligono edo irudi geometrikoak dira. Hainbat forma izan ditzakete, baina denek dituzte lau erpin eta bi diagonal, eta haien barneko angeluen batuketak 360° ematen ditu beti.

Laukiaren osagaiak[aldatu | aldatu iturburu kodea]

Laukia osatzen duten elementuak honako hauek dira:

  • 4 erpin: laukia osatzen duten aldeen elkargune puntuak dira.
  • 4 alde: Jarraian dauden bi erpinek mugatzen duten zuzenkia da.
  • 2 diagonal: Jarraian ez dauden bi erpin elkartzean sortzen den zuzenkia da.
  • 4 barne angelu: Bi aldeek eta erpin komun batek osatzen dituzte.
  • 4 kanpo angelu: Aldeen luzapenak osatzen dituzte

Lauki motak[aldatu | aldatu iturburu kodea]

Bi multzo handitan sailkatzen dira laukiak:



  • Ez-paralelogramoak: bi alde paralelo dituztenean eta beste biak ez. Trapezioak edo trapezoideak izan daitezke. Trapezioak, triangeluak bezala, (angelu)zuzenak, isoszeleak edo eskalenoak izan daitezke.

TRAPEZIOAK: bi alde paralelo, oinarriak deiturikoak, baino ez dituen laukia da. Oinarrien arteko distantziari altuera deritzo.

TRAPEZOIDEAK: lau aldeko polígono itxi bat da, non, bere lau aldeetako alde bakar bat bera ere ez den beste batekiko paraleloa.

Non aurki daitezke?[aldatu | aldatu iturburu kodea]

Eguneroko bizitzan, edonon aurki ditzakegu laukiak; oso ohikoak izaten dira; kalean, adibidez, eraikuntza asko laukiak dira: herriko plazak, iragarki kartelak edota leihoak laukiak izaten dira askotan, beste gauza askoren artean.


Etxean, kalean bezala, leku askotan dago laukiaren irudia; adibidez, orain erabiltzen ari zaren ordenagailuaren pantaila seguru aski laukia izango da, argazkiak eta haien markoak, ateak, armairuak, mahaiak, telebistaren pantaila...

Eskolan ere, nonahi ikus ditzakegu laukiak; adibidez, armairuetan, korridoreetan, patioko frontoian, arbela...

Bideoa[aldatu | aldatu iturburu kodea]

Ikusi laukiaren ezaugarriak azaltzen dituen bideo hau:

      Ikusi!