Maurizio[aldatu | aldatu iturburu kodea]

Maurizio Afrikako hego-ekialdean kokatzen den uharte estatu bat da. Bere hiriburua Port Louis da.

Geografia[aldatu | aldatu iturburu kodea]

Indiako ozeanoan dago. Madagaskarretik ekialdera 900 kilometrora dago. Maskareinetako uharteetako bat da. Uharte nagusiak 1865 km² ditu zabaleraz, estatuaren %90a da. Uharte bolkanikoa da. Lekurik altuena Piton de la Petite Riviere Noire da, 828 metro neurtzen du.

Klima[aldatu | aldatu iturburu kodea]

Klima tropikala du. Negua maiatzetik azarora arte da, denboraldi lehorra da. Uda azarotik maiatzera arte da, euritsua da. Zikloiak egon ahal dira.

Ekonomia[aldatu | aldatu iturburu kodea]

Azukre-kanabera tradiziozko ekoizpen garrantzitsua da, nekazaritzarako lurraren %90a horretara bideratzen da. Kanpoko ordainsarien %25a azukre-kanaberatik dator. Turismoa da, gaur egun, ekonomiaren beste zutabea. Milaka turista heltzen dira Maurizio uharteetara, horretarako, ehun bat hotel daude uhartean.