Txikipedia:Nabarmendutako artikulua/2022/09
Juan Sebastian Elkano Gipuzkoako esploratzaile eta itsasgizon bat izan zen. Munduari bira osoa eman zion lehenbiziko aldiz.
Bizitza[aldatu | aldatu iturburu kodea]
Juan Sebastian Elkano Getarian jaio zen 1487an. Gaztetandik aritu zen arrantzan eta merkataritza-ontzietan nabigatzen, eta eskarmentu handia lortu zuen; Meditarraneoan ere ibili omen zen, Italian egondako gerratan ere.
Munduari bira[aldatu | aldatu iturburu kodea]
Sevillan kokatu zen 1518 edo 1519. urtean, eta han jakin zuen Fernando Magallaes izeneko esploratzaile eta itsasgizon portugaldar batek asmoa zuela Asiara joateko, mendebaldetik barrena (hau da, Ozeano Atlantikotik), eta ez Afrika inguratuz, garai hartan portugaldarren esku zegoelako nagusiki.
Magallaesek akordio bat egin zuen Gaztelako Karlos I.a erregearekin espezieak ekartzeko Asiatik; zehazki, europarrek Espezieen Uhartea deitzen zuten leku batera joan nahi zuen, gaur egun Molukak deitzen den Indonesiako uhartedi batera. Espedizio hori osatu zuten bost itsasontzietako batean joan zen Juan Sebastian Elkano getariarra.