Schreiber muskerra

Schreiber muskerra kolore bizitako muskerra da. Iberiar penintsulako mendebaldean, eta tartean Euskal Herrian, bizi da.

Deskribapena

Buru motza du. Ugalketa garaian arrak kolore urdin bizia izaten du buruan. Animaliaren gorputza berdea da gainaldean eta horixka sabelean. Isatsa luzea du eta marroia da. Guztira 40cm inguruko luzera hartzen du.

Elikadura

Intsektuak eta araknidoak jaten ditu batez ere; kakalardoak, euliak, eltxoak, matxinsaltoak, armiarmak... Txori txikien edota muskerren arrautzak ere jaten ditu tarteka. Uda amaieran fruita txikiak ere jaten ditu. Animaliak ehizatzeko sprint motzak egiten ditu.

Ugalketa

Udaberrian ugaltzen da, apirilaren eta ekainaren artean. 4-24 arrautza jartzen ditu eta udan zehar erruten ditu bi hilabetetan zehar.

Euskal Herrian non aurkitzen da?

Euskal Herriaren mendebaldean aurkitzen da.

Izena beste hizkuntzetan

• Gaztelera: Lagarto verdinegro
• Ingelesez: Iberian emerald lizard
• Frantsesez: Lézard émeraude ibérique