Vinicio Cerezo

Vinicio Cerezo
	; Irudi gehiago
; 28. Guatemalako presidente
Guatemalako Kongresuko kidea
Bizitza
Jaiotza	Guatemalako Hiria, 1942ko abenduaren 26a (83 urte)
Herrialdea	Guatemala
Familia
Ezkontidea(k)	Raquel Blandón (en) (1965 - 2006)
Hezkuntza
Heziketa	Guatemalako San Carlos Unibertsitatea
Jarduerak
Jarduerak	politikaria eta abokatua
Jasotako sariak	ikusi Elisabet Katolikoaren Ordenaren lepokoa (1986) ;
Ideologia eta sinesmenak
Alderdi politikoa	Guatemalako Kristau Demokrazia

Marco Vinicio Cerezo Arévalo (Guatemala Hiria, Guatemala, 1942ko abenduaren 26a) guatemalar politikaria da, Guatemalako Alderdi Demokrata Kristauko kidea. 1986-1991 bitartean Guatemalako Errepublikako presidentea izan zen^[1].

Biografia

Guatemalako Alderdi Demokrata Kristauan ekin zion politikagintzari, eta erakunde horretako idazkari nagusi hautatu zuten 1976an. 1974an lortu zuen lehenbizikoz diputatu aulkia. 1986an presidente kargua bereganatu zuen, 1985eko hauteskundeetako bigarren itzulian Jorge Carpio Nicolleri nagusitu baitzitzaion, bozen %68,4 lortuz^[1]. Lehenbiziko aldia zen, azken 30 urteetan, boterea militarren eskuetan ez zegoena. Esquipulasko hitzarmenak izenpetu zituen (1986-1987) Erdialdeko Amerikako gainerako presidenteekin, ingurunerako bakea lortzeko ahaleginean. Estatu-kolpe saio bat izan zuen 1988an. 1991ko hauteskundeak galdu egin zituen Jorge Serranoren aurka.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.