Wikipedia:Babel

Orrialde honetan azaltzen da nola eman gainerako erabiltzaileei norberak dakizkien hizkuntzen berri. Ekimen honek komunitate eleaniztun baten barneko komunikazioa errazten du.

Babel zertarako

Wikimedia Fundazioaren proiektuetan (Wikipedia, Commons, Wikibidaiak eta abar) munduko beste hainbat wikilarirekin lankidetzan arituko gara. Horregatik, gerta daiteke beste wikilari horiekin hitz egin behar izatea, lana koordinatzeko. Mundu osoko beste wikilariak gurekin zer hizkuntzatan komunika daitezkeen jakinarazteko, gure lankide orrian adieraz dezakezu zer hizkuntza dakizkizun, eta zer mailatan dakizkizun.

xx-0: hizkuntza hori mintzatzen ez duzula adierazteko da. Wikipedia honetan, euskarazkoan, euskaraz ez dakizula adierazteak bakarrik du logika, ez du zentzurik beste edozein hizkuntza ez dakizula adierazteak. Izan ere, ez dira idatzi behar ez dakizkizun hizkuntza guztiak, dakizkizunak baizik.
xx-1: oinarrizko jakintza da. Adibidez: galdera errazak ulertzeko eta erantzuteko gaitasuna.
xx-2: jakintza ertaina da.
xx-3: jakintza aurreratua da. Adibidez: ortografia eta gramatika akatsak zuzentzeko gaitasuna.
xx-4: aditu maila, ia zure ama hizkuntza izango balitz bezalakoa.
xx: gidoi eta zenbakirik gabeko kodeak lankidearen ama hizkuntza dela adierazten du.

Adibidez, de-1 alemaneko oinarrizko maila litzateke; eta es-3, gaztelaniako maila aurreratua. Era berean, en-2 ingeleseko maila ertaina da. Hizkuntzak bereizteko erabiliko den bi hizkiko kodea —kasu batzuetan hirukoa— ISO 639 arauarena da. (Ikus Wikimediako beste hizkuntzetako proiektuen zerrenda).

Nola jakinarazi zure hizkuntzen jakintza, zure lankide orrian

Aukera itzazu ezagutzen dituzun hizkuntzak, eta zehaztu zure jakintza maila, 1etik 4ra bitartean (euskaraz ez badakizu: 0). Adibidez, gaztelaniaz ondo-ondo ez badakizu baina erraz hitz egiten baduzu, hautatu (es-3) kodea, eta hainbat urtez ingelesa ikasita nolabait moldatzeko gai bazara, zure maila ertaina (en-2) izan daiteke.
Sar itzazu dagozkien txantiloiak zure lankide orrian. Txantiloirik errazenetako batzuk {{Babel-X}} izenekoak dira, non X-k ezagutzen duzun hizkuntza kopurua adierazten duen. Ondorengo adibidean, {{Babel-5|eu|es-4|fr-3|en-2|it-1}} idazten badugu, koadro hau lortuko dugu:

Wikipedia:Babel

eu	Erabiltzaile hau euskaldun zaharra da (euskara du ama hizkuntza).

es-4

El nivel de este usuario corresponde al de un hablante nativo del español.

fr-3

Cette personne peut contribuer avec un niveau avancé de français.

en-2

This user is able to contribute with an intermediate level of english.

it-1

Questo utente può contribuire con un Italiano di livello semplice.

3. Orain zure erabiltzaile orria «Euskara ama hizkuntza» kategorian agertuko da, bai eta goian adierazitako gainerako kategorietan ere. Hizkuntza bakoitzeko maila guztiak (aditu maila...) hizkuntza horren kategoria nagusiaren barnean daude (adibidez: euskara maila guztietako wikilariak «Euskara (erabiltzaileak)» kategorian agertuko dira). Parentesi arteko (erabiltzaileak) euskara hizkuntzaren kategoriagatik desberdintzeko erabiltzen da. Horiek guztiak «Hizkuntzaren arabera» kategoriaren azpikategoriak dira.