Xanfarin eta andere King

Xanfarin eta andere King
Jatorria
Izenburua	Scarecrow and Mrs. King
Jatorrizko hizkuntza	ingelesa
Jatorrizko herrialdea	Ameriketako Estatu Batuak
Sasoi kopurua	4
Atalak	88
Ezaugarriak
Genero artistikoa	telebista drama
Antzezlea(k)
Kate Jackson Bruce Boxleitner Beverly Garland Mel Stewart Martha Smith
Bestelako lanak
Musikagilea	Arthur B. Rubinstein (en)
Emanaldia
Jatorrizko igorlea	CBS
Hasiera-data	1983ko urriaren 3a
Amaiera-data	1987ko maiatzaren 28a
Fikzioa
Kontakizunaren tokia	Washington

Xanfarin eta andere King (ingelesez: Scarecrow and Mrs. King) AEBtako telesaila bat izan zen. 1983ko urriaren 3tik 1987ko maiatzaren 8ra CBS katean aireratu zen. Kate Jackson eta Bruce Boxleitner aktoreek antzeztu zuten. Euskal Herrian 1980ko hamarkadaren bigarren erdialdean ETB1ean euskaraz aireratu zen.

Sinopsia

Amanda King (Kate Jackson) dibortziatutako estatubatuar etxekoandrea da, bere eguneroko kezka nagusiak bere bi seme eta amak sortzen dizkiotelarik. Goiz batez, Amandak tren batean doala CIAko Lee Stetson (Bruce Boxleitner) agentearekin topo egingo du, ezizenez "Xanfarin" (jatorrizko bertsioan "Scarecrow"), hark beste agente etsai batzuk jarraitzen dutenez Amandari pakete bat eman eta kapela gorridun gizonari eramateko eskatuko dio. Amanda ez da misioa gautzeko gai izango, tren-bagoi hartan ezaugarri horretako gizon asko baitaude. Hortaz, pakete hura berreskuratzeko, Xanfarin emakumearen bila hasiko da, azkenean, Amanda bera ere misio hartan buru-belarri eta nahi ala nahi ez sartuko delarik. Xanfarin atzematen dutenean, Amanda berak paketearen sekretua argitu eta Xanfarin erreskatatzea lortuko du. Honela bada, misio horren ostean etxekoandrea Agentziarentzat lanean hasiko da, baina halabeharrez bere familiari lanbide berrian hasi dela ezkutatuz. Azkenean Lee eta Amandak espioi eta gaizkileen aurka elkarlanean ederki asko moldatzen den lantaldea osatuko dute.

Aktoreak

• Kate Jackson: Amanda King
• Bruce Boxleitner: Lee Stetson ("Xanfarin" / jatorrizko bertsioan "Scarecrow")
• Beverly Garland: Dotty (Amandaren ama)
• Paul Stout: Philip King (Amandaren semea)
• Greg Morton: Jamie King (Amandaren semea)
• Mel Stewart: Billy Melrose
• Martha Smith: Francine Desmond
• Sam Melville: Joe King (Amandaren senar ohia)

Kanpo estekak

• Xanfarin eta andere King telesailaren IMDBko fitxa irakurgai (Ingelesez)
• Xanfarin eta andere King telesailaren sarrera ikusgai. Youtube.com (Ingelesez)

• Datuak: Q392832