Zahi (buru-azala)

Zahi (buru-azala)
Deskribapena
Mota	desquamation (en) ; pityriasis (en)
Identifikatzaileak
GNS-9-MK	690.18
GNS-9	690.18
DiseasesDB	11911
MeSH	D063807

Artikulu hau buru-azaleko azal zatiari buruzkoa da; beste esanahietarako, ikus «Zahi (argipena)».

Zahia edo zolda buruko larruazalaren zelulen heriotzaren ondorioz sortutako azal zatien askapena da. Normala da zahia neurri batean izatea; hala ere, zenbait pertsonak zahi asko ekoizten dute, bai kronikoki bai zenbait faktoreren eraginez, eta gorritasuna eta narritadura pairatu.

Zahi gehiago edo gutxiago sortzen da urte sasoiaren arabera, eta sarritan neguan handiagoa da ekoizpena. Gehiegizko zahiaren kasu gehienak xanpu berezien bidez tratatzen dira. Hala ere, oraindik ez dago benetako sendabiderik.

Gehiegizko zahia jasaten dutenek gizarteratze edo autoestimu arazoak izan ditzakete.