Artikulu hau "Kalitatezko 1.000 artikulu 12-16 urteko ikasleentzat" proiektuaren parte da

Zeharkako zerga

Wikipedia, Entziklopedia askea
Jump to navigation Jump to search

Zeharkako zergak bitartekari batek (saltzaileak, profesionalak, enpresak) beste bati (eroslei) kobratu eta gero zerga administrazioari ordaindu behar dizkion zergak dira, hau da, nolabait zerga administrazioak zuzenean zerga ordaintzen duenaren eskutik ez, baizik eta zeharka, beste pertsona baten bitartez, jasotzen dituenak, zuzeneko zergak ez bezala.[1]. Beste definizio baten arabera, aberastasuna zuzenean ez, baizik eta aberastasunak ahalbidetzen dituen egitateak (erosketak, eskualdatzeak, ...) zergapetzen dituzten haiek dira zeharkako zergak.[2] Zeharkako zerga ohikoena Balio Erantsiaren gaineko Zerga da, erosleak portzentaje gehigarri moduan saltzaileari ordaindu, baina gero saltzaileak zerga administrazioari aldiro eta modu bateratuan eman behar diona.

Zeharkako zergen abantaila nagusia zerga administrazioarentzat gertatzen da, zeharkako zergak zuzenean jasotzea oso zaila gertatuko litzatekeelako; BEZaren kasuan adibidez erosketa bakoitzaren ondorioz zergaren ordainketa bat egin beharko litzatekeelako; zeharka eginez, ordea, zergen ordainketa bitartekariek soilik egin behar dute eta modu bateratuan, erosketa guztietan jasotako BEZak batuz.

Erreferentziak[aldatu | aldatu iturburu kodea]