Zigarreta
Wikipedia(e)tik
Zigarreta edo zigarroa zilindro-forma emandako paper fin bat da, barnean tabako-hosto txikituz betea, erretzeko prestatua. Gaur egun, ohikoa da mutur batean iragazki izatea. Beste muturrean su ematen zaio, eta iragazkia dagoen muturretik xurgatzen da, kea ahora eramateko.
XVI. mendean hasi ziren, Sevillan, erretzeko tabakoa paperean biltzen; hasieran gizarte-maila apaletako kideek erre ohi zituzten zigarroak, baina XVIII. mendean lurralde askotara eta gizarte-maila guztietara zabaldu zen tabakoa zigarrotan erretzea. 1950-1960. urteetan zigarroak erretzeak ekar ditzakeen kalteak aztertzen hasi ziren (minbizia eta bihotzeko eritasunak bereziki), eta zenbait herrialdetan kanpaina bereziak egin dira gai honen inguruan.
Erreferentziak[aldatu | aldatu iturburu kodea]
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek Creative Commons Aitortu 3.0 Espainia lizentziarekin argitaratu ditu, Open Data Euskadi webgunean.
