¿Quién puede matar a un niño?

¿Quién puede matar a un niño?
Jatorria
Argitaratze-data	1976
Izenburua	¿Quién puede matar a un niño?
Jatorrizko hizkuntza	gaztelania
Jatorrizko herrialdea	Espainia
Ezaugarriak
Genero artistikoa	beldurrezko zinema
Iraupena	100 minutu
Kolorea	koloretakoa
Zuzendaritza eta gidoia
Zuzendaria(k)	Narciso Ibáñez Serrador
Gidoigilea(k)	Narciso Ibáñez Serrador
Antzezlea(k)
	Prunella Ransome ; Lewis Fiander (en) ; Antonio Iranzo (en) ; Marisa Porcel (en) ; Narciso Ibáñez Serrador ; Cristina Torres ; Jesús Nieto (en) ; Miguel Narros (en)
Ekoizpena
Ekoizlea	Samuel Z. Arkoff
Edizioa	Antonio Ramírez de Loaysa
Ekoizpen-diseinatzailea	Ramiro Gómez (en)
Bestelako lanak
Musikagilea	Waldo de los Ríos
Argazki-zuzendaria	José Luis Alcaine
Fikzioa
Kontakizunaren tokia	Espainia

¿Quién puede matar a un niño? (euskaraz Zeinek hil ahal du ume bat?) 1976ko Narciso Ibáñez Serrador espainiar zinema zuzendari eta gidoilariak zuzendu eta idatzitako beldurrezko film bat da. Juan José Plans asturiar idazle eta kazetariaren El juego de los niños ("Haurren jolasa") liburuan oinarritua dago. Lewis Fiander, Prunella Ransome, Antonio Iranzo eta María Luisa Arias aktoreek antzeztu zuten.

Espainia mailan, bere garairako guztiz berritzaile eta aurreratua izan zen film bat da, gaur egun espainiar beldurrezko film klasiko bilakatu da, ondorengo beldurrezko filmeetan izandako eraginaren ondorioz. Adibidez, filmaren hasieran gerra eta goseten ezberdinetan zehar haurrei tratu txarrak eman eta torturatzen dituzten helduen benetazko eszenak agertzen dira, tartean filmaren tituluak txertatuz.

Argumentua[aldatu | aldatu iturburu kodea]

Oharra: Atal honek istorio osoa edo amaiera argitzen du.

Tom eta Evelyn (Lewis Fiander eta Prunella Ransome) Espainiako kostaldeko herri batera bere ezkontz-bidaiaren amaieran iritsi berria den ingeles bikotea da. Halere, iristean lurjota geldituko dira: oporrak lasai igarotzeko asmoa zuten lekua zaratatsua baita. Hortaz, txalupa bat alokatu eta aurrez Tom gazteagoa zela izandako uharte txiki batera joatea erabakiko dute. Beren harridurarako, uharteko biztanle bakarrak haurrak direla jabetuko dira, indar misteriotsu batek bultzarazi eta helduen aurka matxinarazten dituen haurrak.