Alain Decaux

Alain Decaux (Lille, Frantzia, 1925eko uztailaren 23a - Paris, 2016ko martxoaren 27a) historialaria eta frantsesezko idazlea izan zen.

Bizitza

Zuzenbide-ikasketak egin ondoren, kazetaritzan hasi zen lanean. L'Histoire pour tous aldizkaria sortu zuen, Historia Magazine aldizkariko zuzendari izan zen eta Nouvelles littéraires eta Figaro littéraire aldizkarietako lankide. Gero, irratian hasi zen: 1951n, La Tribune de l'histoire sortu zuen, André Castelotekin eta Jean-François Chiappekin. Telebistan ere egin zituen zenbait saio: La caméra explore le temps, Alain Decaux raconte, Le dossier d'Alain Decaux eta Alain Decaux face à l'histoire.

Hainbat liburu idatzi ditu: besteak beste, Louis XVII (1947), La conspiration du général Malet (1952), La belle histoire de Versailles (1954), Les grands mystères du passé (1964), Histoire des Françaises (1972), Victor Hugo (1984), Les assassins (1986), Morts pour Vichy (2000), Chantilly et Noyon dans l'histoire (2001), Tous les personnages sont vrais (2005), Le Duc d'Aumale (2006), La Révolution de la Croix: Néron et les chrétiens (2007), Coup d'État à l'Élysée (2008) eta Dictionnaire amoureux de Alexandre Dumas (2010).

1980an, Frantziako Akademiako kide hautatu zuten. 1999an, frankofoniako Alain Decaux Literatura Sariketa antolatu zuen Lilleko Fundazioak, idazle frankofono berriak saritzeko eta sari horien babesle da Alain Decaux 2003az geroztik.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q1235728
Multimedia: Alain Decaux / Q1235728