Albert Bandura

Wikipedia(e)tik
Hona jo: nabigazioa, Bilatu

Albert Bandura kanadar psikologoa izan zen (1925). 1949an Columbia Britainiarreko Unibertsitatean graduatu ondoren, Psikologia Klinikoko ikasketak egin zituen Iowako Unibertsitatean; gero, Wichita eta Stanfordera joan zen. Ikasbide sozialaren arloko garrantzi handiko teorizatzailea eta esperimentatzailea da. Haurren munduko erasoen zergatiek erakarri dute, batez ere. Datu ugari eskaini ditu argudio zabaldu hauek ezeztatzeko: haurren erasoek barruko emozio eta indarren adierazpen patologikoa direla eta, gainerako aukerek porrot egitean, erasotzaileak berak nahi duena lortzeko bidea direla. Aurre egin zien, halaber, frustrazioaren eta erasoen artean lotura bat zegoela uste zuten psikologoei, Dollarren eta Millerren teoriei. Idazlan garrantzitsuenak hauek ditu: Handbook of Socialization Theory and Research (1969, Sozializazio teoria eta ikerketen gidaliburua), The Control of Aggression (1973, Erasoaren kontrola), Aggression: A Social Learning Analysis (1973, Erasoa: ikasbide sozialetik eginiko analisia), Social Learning Theory (1977, Ikasbide sozialari buruzko teoria) eta Social Foundations of Thought and Action (1985, Pentsamenduaren eta ekintzaren oinarri sozialak).


Erreferentziak[aldatu | aldatu iturburu kodea]