Arnaba

Arnaba
Datu orokorrak
Garaiera	1.248 m
Mota	mendi
Geografia
Koordenatuak	42°44′35″N 2°16′29″W
Mendikatea	Lokiz mendilerroa
Herrialdea	Euskal Herria
Probintzia	Araba
Mendizaletasuna
Mendikat	Mendikat
Luberri	Luberri

Arnaba Nafarroa eta Araba artean dagoen mendia da, Lokiz mendilerroan kokatutakoa.

Lokiz aldeko gain gorena da Arnabarena, baina ez dago argi non dagoen, izan ere gorabehera gutxiko eremuan dago eta bada batetik erpin geodesiko bat leku baten eta bestetik, buzoia, 500 m mendebalderago (zerikusia izan lezake bikoizketa horretan Nafarroa eta Araba arteko mugak hortik pasatzeak).

Ez dio horrek gehiegi axola, hara joanez gero hegoaldera jausten den amildegiak erakarriko baitu gure arreta.

Amildegi honek Lanako bailara inguratzen du iparraldetik hormatzar ikusgarriak zutituz Arnaba aldera. Goi aldean ibiltzea erraza da ordea, amildegian ertzean zehar ere bai. Harria da nagusi, han hemenka sakabanatutako ezpel, pago eta ipuruak ez dira oraindik traba egiteko adina nagusitu, erpin geodesikoaren inguruan ez bada.

Iparraldeko isurialdea pagadiak estaltzen du gandorra ez beste guztia, eta baso horietan gora datozen bideak baliatu ditzakegu gandorrera heltzeko, Kontrasta, Uribarri-Harana nahiz Aldatik abiatuta. Hegoaldetik ere bada sarbide bat baino gehiago, harresiak eskainitako abaguneak aprobetxatuta.

beste izenak: Montesanto, Ernaba, Arlaba, Erlaba, Arlabe, Aranaba, Herlabagayna.

Abiapuntuak

• Uribarri Haranatik: Ordu 1 eta 30 min.
• Gastiaindik: Ordu 1 eta 30 min.

Ikus, gainera

• Nafarroako mendien zerrenda
• Arabako mendien zerrenda

Kanpo estekak

• Arnaba / Montesanto, http://www.euskal-herria.org/

• Datuak: Q20492536

Euskarazko Wikipedian bada atari bat, gai hau duena: Euskal Wikiatlasa