Arthur Stanley Jefferson Laurel

Arthur Stanley Jefferson Laurel Estatu Batuetako zinema antzezlea, jatorriz ingelesa (Tynemouth, Lancashire, 1890 - Santa Monica, Kalifornia, 1965). Oliver Hardy antzezlearekin batera zinemaren historian izan den komiko bikoterik ospetsuena osatu zuten, Argala eta Gizena izenez ere ezaguna (Stan Laurelek Argalaren papera egiten zuen). Nor bere aldetik ibiliak, 1927an elkar hartu eta film-andana bat egin zuten ia hogei urtean, hala zinema mutuan nola ahostunean. Suntsipenak, hondamenak, trakeskeriak, eta azken finean, egunerokotasunaren absurdoa dira Stan Laurel eta Oliver Hardyren humorearen ezaugarririk nabarmenenak.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.