Azagaia

Wikipedia(e)tik
Hona jo: nabigazioa, Bilatu
Magdaleniar aldiko oinarri arrakalatuko azagaia
Magdalen aldiko modu aberatsean apaindutako azagaiak

Azagaia arma jaurtigarri primitibo eta arin bat da eskuarekin (xabalina bezala) edo bultzagailu baten laguntzaz jaurtitzen dena. Mutur zorrotz eta gogorra (adar, hezur edo sukarrizkoa) izaten zuen, zurezko makil bat, eta, beharbada, azken zatian, luma batzuk ere hegaldia egonkortzeko, geziekin egiten den bezala.

Orokorrean, arkeologoek, indusketetan aurkitzen duten arrasto bakarra, azagaiaren muturra da, zurezko makila, denborarekin, usteldu egiten baita. Arrazoi honengatik, azagaia hitza, arkeologian, arma osoari edo honen muturrari erreferentzia egiteko erabiltzen da, ezberdintasunik gabe.

Azagaiak, Europako Goi Paleolitoko ezaugarriak dira bereziki. Denborarekin, eboluzionatzen joan zirenez gero, posible da historiaurreko kultura ezberdinentzako eredu bereizgarri bat edo gehiago zehaztea:

  • Aurignaciarra: Oinarri arrakalatuko azagaiak eta losanjikoak
  • Gravettiarra: Oinarri biselatudun azagaiak eta fusiformeak
  • Solutrearra: Erdialdea lautua duten azagaiak (biselatuak eta fusiformeak ere badaude)
  • Magdaleniarra: Aurrekoekin batera, zirriztudun azagaiak agertzen dira (beharbada mikrolitoak sartzeko), oinarri adarkatudun azagaiak eta baita oso modu aberatsean apaindutako azagaiak ere.
Commonsen badira fitxategi gehiago, gai hau dutenak: Azagaia