Cupressaceae

Wikipedia(e)tik
Hona jo: nabigazioa, Bilatu
Cupressaceae
Altzifre arrunta
Sailkapen zientifikoa e
Erreinua: Plantae
Dibisioa: Pinophyta
Klasea: Pinopsida
Ordena: Pinales
Familia: Cupressaceae
Bartlett[1]
Azpifamiliak

Cunninghamhioideae
Taiwanioideae
Athrotaxidoideae
Sequoioideae
Taxodioideae
Callitroideae
Cupressoideae

Incertae sedis:
Mesocyparis
Cunninghamites[2]

Kupresazeoak (Cupressaceae) koniferoen subklaseko eta Pinales ordenako landare-familia bat dira. Zuhaitza edo zuhaixkak dira, eta zura eta hostoak, maiz, aromatikoak dira. Hostoak iraunkorrak dira, elkarri atxikitako ezkata-itxurakoak, 1 mm eta 3 cm bitarteko luzerakoak. Espezie asko oso erabiliak dira zura ateratzeko, eta aromagatik, baita apaingarri gisa ere.

Banaketa kosmopolita du, eta espezie gehienak klima bero eta epeletako eskualdeetan bizi dira. Espezie gehienak (% 75 inguru) Ipar hemisferioan daude. 29 genero daude, eta 135 bat espezie. Badira 16 genero espezie bakarra dutenak. Genero handienak hauek dira; Juniperus (68 espezie), Callitropsis edo Xanthocyparis (18 espezie), Callitris (15 espezie) eta Cupressus (12 espezie).

Cupressaceae familiari dagozkio Lurreko bi espezierik handienak: Sequoia sempervirens (aurkitu den espezimen handiena ia 112 m luze da, eta 6,7 m -ko diametroa du) eta Sequoiadendron giganteum (aurkitu den espezimen handiena 106 m luze da, eta 11,4 m-ko diametroa du). Espezie batzuek 2000-3500 urteko bizitza dute.

Sailkapen klasikoa[aldatu | aldatu iturburu kodea]

Sailkapen klasikoan, hau da genero-banaketa:

  • × Cupressocyparis Dallim. (genero hibridoa Chamaecyparis × Cupressus)


Sailkapen filogenetikoa[aldatu | aldatu iturburu kodea]

Sailkapen filogenetikoak 29 genero ditu:

Erreferentziak[aldatu | aldatu iturburu kodea]

  1.   Watson, Frank D.; Eckenwalder, James E., Cupressaceae Bartlett: Redwood or Cypress Family, eFloras, Missouri Botanical Garden, http://www.efloras.org/florataxon.aspx?flora_id=1&taxon_id=10237 .
  2.   Bosma, Hylke F.; Kunzmann, Lutz; Kvaček, Jiří; van Konijnenburg-van Cittert, Johanna H.A. (2012), «Revision of the genus Cunninghamites (fossil conifers), with special reference to nomenclature, taxonomy and geological age», Review of Palaeobotany and Palynology (Elsevier) 182: 20–31, doi:10.1016/j.revpalbo.2012.06.004 .
Commonsen badira fitxategi gehiago, gai hau dutenak: Cupressaceae Aldatu lotura Wikidatan
Wikispezieetan informazioa gehiago aurki dezakezu: Cupressaceae